បន្ទាយមានជ័យ៖ បច្ចុប្បន្នជម្ងឺរាតត្បាតកូវីដ១៩បានកំពុងតែវាយលុកខេត្តក្រុងមួយចំនួននៅក្នុងប្រទេសកម្ពុជាជាខ្លាំង ជាពិសេសខេត្តបន្ទាយមានជ័យ។ ខណៈថ្ងៃទី៣១ ខែសីហាម្សិលមិញនេះ ខេត្តបន្ទាយមានជ័យបានរកឃើញអ្នកឆ្លងជម្ងឺកូរីដ១៩ចំនួន១០០នាក់បន្ថែមទៀតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរដ្ឋបាលខេត្តបន្ទាយមានជ័យបានយកចិត្តទុកយ៉ាងខ្លាំង ដើម្បីធ្វើយ៉ាងណាអាចគ្រប់គ្រងស្ថានភាពជម្ងឺមួយមិនឲ្យរីករាលដាលកាន់តែធំនេះបាន។ រដ្ឋបាលបានចាត់វិធានការបន្ដដោយ ធ្វើការបិទខ្ទប់ផ្សារសិរីសោភ័ណ ជាទីតាំងដែលបានពាក់ព័ន្ធក្នុង ព្រឹត្តិការណ៍ឆ្លងជាសហគមន៍ ២០ កុម្ភៈ ២០២១ ជាបណ្ដោះអាសន្ន។
ដោយការបិទខ្ទប់នេះ មានរយៈពេល២សប្ដាហ៍ដែលគិត ចាប់ពីថ្ងៃទី២៨ សីហា ឆ្នាំ២០២១ រហូតដល់ ថ្ងៃទី១០ ខែកញ្ញា ឆ្នាំ២០២១ ក្នុងគោលបំណងធានាប្រសិទ្ធភាពដល់ការគ្រប់គ្រងស្ថានភាពការឆ្លងរីករាលដាលនិងទប់ស្កាត់មិនឲ្យឆ្លងទៅកាន់តំបន់ដ៏ទៃទៀត៕
ប្រភព៖ Banteay Meanchey News Youths