ថ្មីទៀត! មួយឈុតនេះ Jennifer ដូចម្ចាស់ក្សត្រី តែភ្លាត់ស្នៀត ភ្លេចដោះស្លាកលើអាវ

បរទេស៖ តារាចម្រៀងជើងចាស់ Jennifer Lopez តែងតែធ្វើឲ្យហ្វេនៗ និងមហាជនមានការភ្ញាក់ផ្អើលនិងចាប់អារម្មណ៍ខ្លាំង រាល់ពេលដែលនាងបានបង្ហាញរាងយ៉ាងស្លីម និងស៊ិចស៊ីខ្លាំងបំផុតតាមរយៈការបង្ហោះរូបថ្មីៗនៅលើបណ្ដាញសង្គមម្ដងៗ។ 

ជាមួយគ្នានេះ ថ្មីៗនេះ តារា pop អាយុ ៥២ ឆ្នាំ Jennifer បានស្លៀកពាក់យ៉ាងលេចធ្លោនៅពេលនាងមកដល់កម្មវិធី Dolce & Gabbana នៅថ្ងៃទី ២៩ ខែសីហា។ ក្នុងធ្វើដំណើរទៅទីក្រុង Venice ប្រទេសអ៊ីតាលីដើម្បីចូលរួមព្រឹត្តិការណ៍ជាបន្តបន្ទាប់នៃម៉ាកយីហោ Dolce & Gabbana តារាស្រី Jennifer បានទាក់ទាញការចាប់អារម្មណ៍នៅពេលពាក់ឈុតមួយដូចជាម្ចាស់ក្សត្រី ដែលមានគំនូរដ៏អស្ចារ្យ រួមទាំងអាវទ្រនាប់ដែលមានដាំត្បូងពាសពេញ បូករួមខោដែលមានចង្កេះខ្ពស់និងស្បៃគ្របដ៏ប្រណិត។

គួរបញ្ជាក់ថា​ J.Lo ក៏យកចិត្តទុកដាក់យ៉ាងល្អិតល្អន់ទៅលើការផាត់មុខធ្វើសក់ព្រមទាំងគ្រឿងអលង្ការអម ដោយការធ្វើឱ្យមានភាពស្រស់ស្អាត។ មិនតែប៉ុណ្ណោះ រូបភាពដ៏ថ្លៃថ្នូរនិងស្រស់ស្អាតរបស់តារាចម្រៀងស្រីរូបនេះ បានជួយឱ្យនាងទទួលបានការចុចLike ដល់ ២,៧ បន្ទាប់ពីការបង្ហោះរយៈពេល ៨ ម៉ោងនៅលើ Instagram ។

យ៉ាងណាមិញ ក្រោយពីមានអង្គរក្សហែហមយ៉ាងណាក៏ដោយ ប៉ុន្តែបែរជាគ្មាននរណាម្នាក់នៅក្នុងក្រុមជំនួយការនោះ កត់សំគាល់ថាឈុតដែល Jennifer បានស្លៀកនោះភ្លេចយកស្លាកចេញនោះទេ ដែលជាហេតុធ្វើឲ្យ វាបង្ហាញចេញមកនៅពេលដែលនាងបានធ្វើសកម្មភាពថែមទាំងត្រូវគេថតបានបែបនេះ៕

សូមទស្សនារូបភាពខាងក្រោម៖