ប្រជាជនចិន មានជំនឿថា យកក្ដារមឈូស ទៅដាក់នៅក្នុងរូងភ្នំ ធ្វើឲ្យព្រលឹងខ្មោចទៅកាន់ឋានសួគ៌

មានក្ដារមឈូសរាប់រយពាន់ ធ្វើពីឈើដែលចាប់ផ្ដើមពុករលួយបន្តិចម្ដងៗ ដាក់នៅក្នុងរូងភ្នំត្រជាក់ហើយសើមមួយ ក្នុងប្រទេសចិន ដែលនេះជាជំនឿមួយ ដែលគេជឿថា ព្រលឹងខ្មោចដែលបានស្លាប់ទៅ នឹងអាចឡើងទៅដល់ឋានសួគ៌។

ប្រពៃណីដ៏ចំឡែកនេះ បានធ្វើឲ្យរូងភ្នំ ថ្មចោតមួយកន្លែងនៅ Anshun ភាគនិរតីនៃខេត្ត GuiZhou ប្រទេសចិន ផ្ទុកទៅដោយ ក្ដារមឈូសរាប់រយពាន់ ព្រោះជំនឿនៃប្រពៃណីនេះ ត្រូវបានគេប្រកាន់រាប់រយឆ្នាំមកហើយ តាំងពីសម័យបុរាណមកម្ល៉េះ។

នៅក្នុងរូងភ្នំមួយ យ៉ាងហោចណាស់ក៏ផ្ទុកបាន ក្ដារមឈូសលើសពី ៥០០ ដែរ តែក្ដារមឈូសទាំងនោះ មានភាពពុករលួយនៅផ្នែកខាងក្រៅ។ គេបានឲ្យឈ្មោះរូងភ្នំនោះថា “រូងភ្នំក្ដារមឈូស” (Coffin Cave)។

តើប្រិយមិត្តយល់ឃើញយ៉ាងណាចំពោះ ប្រពៃណីទំនៀមទំលាប់មួយនេះ? សូមទស្សនារូបភាពខាងក្រោម៖

កែសម្រួលដោយ អៀង

ខ្មែរឡូត