វៀតណាម៖ ខណៈកំពុងធ្វើដំណើរឆ្លងកាត់ព្រៃត្រូពិចនៃភាគខាងជើងប្រទេសវៀតណាម អ្នកវិទ្យាសាស្ត្របានរកឃើញសំបុកឱម៉ាល់ ដែលចាំងជះពន្លឺបៃតង នៅពេលត្រូវពន្លឺអ៊ុលត្រាវីយូឡេ (UV)។ សំបុកដែលមើលទៅដូចជាចង្កោមបន្ទប់រាងឆកោណ ត្រូវបានបង្កើតឡើងដោយទ័ពសត្វឱម៉ាល់ ស្ថិតនៅក្នុងពូជ Polistes។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសត្វឱម៉ាល់បានបិទផ្នែកខាងក្រោមនៃបន្ទប់រាងឆកោណរបស់វាជាមួយនឹងកាតឹបសរសៃសូត្រ ដែលការពារកូនដង្កូវក្នុងសំបុក។ ដោយមិនទាន់ដឹងពីមូលហេតុច្បាស់ កាតឹបសរសៃសូត្រទាំងនេះបញ្ចេញពន្លឺបៃតងលឿង នៅពេលត្រូវពន្លឺ UV ក្នុងជំហានរលកចន្លោះពី៣៦០ទៅ៤០០ណាណូម៉ែត្រ។ ក្រុមការងារបានចេញដំណើរដំបូង ដើម្បីស្វែងរកសត្វល្អិតដែលមិនស្គាល់ច្បាស់ នៅក្នុងព្រៃត្រូពិច ហើយពួកគាត់ក៏បាននាំយកពិល UV LED ទៅជាមួយផងដែរ។
នៅពេលដែលត្រូវបានប៉ះជាមួយពន្លឺពណ៌ស សំបុកកាតឹបសរសៃសូត្រនេះនឹងលេចឡើងពន្លឺពណ៌ស។ ក្រោមពន្លឺថ្ងៃធម្មតា សំបុករបស់វាភ្លឺបែបបៃតង ហើយនៅពេលយប់ បើគេបញ្ចាំងពិលពន្លឺ UV សំបុករបស់វានឹងភ្លឺបៃតង ដែលអាចមើលឃើញចម្ងាយ២០ម៉ែត្រ។ ដោយរកឃើញសំបុកដែលភ្លឺយ៉ាងអាថ៌កំបាំង ក្រុមអ្នកស្រាវជ្រាវឥឡូវឆ្ងល់ថាតើការទទួលពន្លឺពីមជ្ឈដ្ឋានជុំវិញ អាចនឹងមានគោលបំណងជាក់លាក់ណាមួយ ចំពោះសត្វឱម៉ាល់ទាំងនេះ។
មកដល់ដំណាក់កាលនេះ អ្នកស្រាវជ្រាវបានលើកឡើងពីគំនិតមួយចំនួន។ វាអាចថាសំបុកដែលភ្លឺ បានដើរតួនាទីប្រៀបដូចជាឧបករណ៍ប្រាប់សញ្ញា ដែលនឹងជួយឲ្យសត្វឱម៉ាល់ហើរត្រលប់ មកកាន់សំបុក ពេលព្រះអាទិត្យអស្ដង្គត ឬក៏សត្វឱម៉ាល់ប្រភេទផ្សេងទៀតអាចនឹងប្រើប្រាស់ការទទួលពន្លឺនានា ដើម្បីចែកឲ្យដាច់ពីសំបុករបស់វា និងសំបុកនៅក្បែរខាង។ ឬវាអាចថា កាតឹបសរសៃសូត្រអាចជួយការពារកូនដង្កូវសត្វឱម៉ាល់ ពីពន្លឺ UV ដ៏គ្រោះថ្នាក់ ដែលបង្អាក់ដល់ការលូតលាស់របស់កូនៗដង្កូវ៕
ប្រភព: Live Science