ស្លឹកឈើជ្រុះមិនឆ្ងាយពីគល់ ឈិន មុន្នីនាថ ច្រៀងរួមគ្នាជាមួយឪពុក ពីរោះខ្លាំង (មានវីដេអូ)

ភ្នំពេញ៖ កញ្ញា ឈិន មុន្នីនាថ ត្រូវបានគេស្គាល់យ៉ាងច្បាស់ថាជាកូនស្រីបង្កើតរបស់លោក ឈិន កុសល ហើយបច្ចុប្បន្ននាងជាតារាចម្រៀង និងតារាសម្ដែងស្រីវ័យក្មេង ដែលកំពុងមានភាពល្បីល្បាញខ្លាំងក្នុងសង្គមសិល្បៈ។ ដោយសារតែទេពកោសល្យ និងសមត្ថភាពច្រើនផ្នែកយ៉ាងដូច្នេះហើយ ទើបធ្វើឲ្យនាងមានមហាជនស្គាល់ច្រើនបែបនេះ។

យ៉ាងណាមិញ បើងាកទៅមើលការងាររបស់កញ្ញា ឈិន មុន្នីនាថ គេសង្កេតឃើញតារារូបនេះពិតជាមានភាពមមាញឹកនឹងការថតខ្សែភាពយន្ត និងថតស្ពតផ្សាយពាណិជ្ជកម្មស្ទើរតែគ្មានពេលទំនេរទៅហើយ។ ជាមួយគ្នានេះដែរ បើនិយាយដល់សម្លេងវិញ គេដឹងផងដែរថា នាងអាចបកស្រាយនូវបទចម្រៀងបានយ៉ាងពីរោះ មិនថាបទសម័យឬបុរាណឡើយ។

ជាក់ស្ដែង ថ្មីៗនេះ កញ្ញា ឈិន មុន្នីនាថ បានធ្វើឲ្យអ្នកគាំទ្រអត់ទ្រាំសរសើរពីសម្លេងនាងស្ទើរតែមិនបាន ខណៈដែលនាងបង្ហោះវីដេអូច្រៀងចម្រៀងរួមគ្នាជាមួយឪពុក ក្នុងបទ «ច័ន្ទចាកមេឃ»។ ក្រោយតារាវ័យក្មេងរូបនេះបង្ហើបសំនៀងច្រៀងរួមគ្នាជាមួយឪពុកនាងរួច ស្ដាប់ទៅពិតជាពីរោះរណ្ដំ និងស៊ីចង្វាក់គ្នាខ្លាំងតែម្ដង។ ក្នុងនោះដែរ ក្រោយស្ដាប់បទចម្រៀងដែលឪពុកកូនពីររូបនេះច្រៀងចប់ មានហ្វេនជាច្រើន បានចូលទៅcomment ថាពេញចិត្តគ្រប់ៗគ្នា ហើយបើនិយាពីចំនួនអ្នកចូលមើលដល់ ១លាននាក់ឯណោះ៕

សូមទស្សនារូបភាព និងវីដេអូខាងក្រោម៖