បរទេស៖ កាលពីថ្ងៃព្រហស្បតិ៍ ក្រុមហ៊ុនដាក់ដេញថ្លៃ RR Auction មានមូលដ្ឋានក្នុងទីក្រុង Boston បានដាក់លក់សៀវភៅក្បួនណែនាំកុំព្យូទ័រ Apple II ដែលមានចុះហត្ថលេខាដោយសហស្ថាបនិកចុងក្រោយរបស់ក្រុមហ៊ុន គឺលោក Steve Jobs នៅក្នុងតម្លៃ៧៨៧,៤៨៤ដុល្លារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសៀវភៅក្បួនណែនាំ១៩៦ទំព័ររបស់កុំព្យូទ័រ Apple II ត្រូវបានចុះហត្ថលេខានិងសរសេរ ទល់មុខគ្នានឹងតារាងមាតិកា ដោយបានសរសេរថា៖ "Julian, Your generation is the first to grow up with computers. Go change the world! steven jobs, 1980."។ វាក៏ត្រូវបានចុះហត្ថលេខា ដោយលោក Mike Markkula ដែលជាអ្នកវិនិយោគដំបូងនៅ Apple និងជានាយកប្រតិបត្តិទីពីររបស់ក្រុមហ៊ុន។
សៀវភៅក្បួនណែនាំនេះត្រូវបានចុះហត្ថលេខា ខណៈពេលដែលលោក Jobs និង Markkula កំពុងស្ថិតនៅក្នុងចក្រភពអង់គ្លេស ដើម្បីផ្សព្វផ្សាយផលិតផល Apple នេះបើយោងតាមសេចក្ដីថ្លែងការណ៍មួយរបស់ក្រុមហ៊ុន RR Auction។ អ្នកដែលទទួលបានសៀវភៅនេះគឺ លោក Julian Brewer ដែលជាកូនប្រុសរបស់សហគ្រិនម្នាក់ ដែលបានធ្វើការជាមួយ Apple ដើម្បីចែកចាយផលិតផលរបស់ពួកគេ នៅចក្រភពអង់គ្លេស។
ត្រូវបានប្រកាសចេញនៅក្នុងឆ្នាំ១៩៧៧ កុំព្យូទ័រ Apple II គឺជាផលិតផលជោគជ័យដំបូងរបស់ក្រុមហ៊ុន ហើយជាទូទៅត្រូវបានគេចាត់ទុកថាជាកុំព្យូទ័រដំបូងគេ ដែលផលិតសម្រាប់ទីផ្សារធំ៕
ប្រភព: CNN