រថយន្ដភ្លើងនៅខេត្តមួយរបស់ប្រទេសចិន អនុញ្ញាតឲ្យអ្នកដំណើរ ធ្វើដំណើរជាមួយសត្វចិញ្ចឹមដោយសេរី (មានវីដេអូ)

ចិន៖ រថភ្លើងល្បឿនយឺត នៅឯតំបន់ក្រីក្រ Daliangshan របស់ប្រទេសចិន បានអនុញ្ញាតឲ្យកសិករទាំងអស់ ធ្វើដំណើររួមគ្នាជាមួយនឹងសត្វចិញ្ចឹមរបស់ពួកគេ ឬលក់ចំណីអាហារលើរថភ្លើងដោយសេរី ពីតំបន់ដែលរស់នៅ ឆ្ពោះទៅកាន់ទីក្រុង។

​រយៈ​ចម្ងាយនៃការធ្វើដំណើរដោយរថភ្លើងនេះ មានចម្ងាយ៣៥៣គីឡូម៉ែត្រ និងគិតជាម៉ោង គឺត្រូវចំណាយពេលដល់ទៅ៩ម៉ោងឯណោះ។ ហើយសំបុត្រវិញ មានតម្លៃថោកយ៉ាងខ្លាំង គឺត្រឹមតែ២យ័នប៉ុណ្ណោះ (ប្រមាណ០.៣០ដុល្លារអាមេរិក)។

យ៉ាងណាមិញ ក្រោយពីមានវីដេអូដែលបង្ហាញឲ្យឃើញពីទិដ្ឋភាពលើរថភ្លើង ត្រូវបានបង្ហោះចែកចាយនៅលើបណ្ដាញសង្គមរួចមក មានអ្នកខ្លះសប្បាយចិត្តចំពោះការអនុញ្ញាតបែបនេះ តែអ្នកខ្លះទៀតបានលើកឡើងថា វានឹងបង្កឲ្យមានភាពរញ៉េរញ៉ៃ និងក្លិនមិនល្អផងដែរ៕

ប្រភព: South China Morning Post

សូមទស្សនារូបភាពនិងវីដេអូខាងក្រោម៖