តើវ៉ាក់សាំងកូវីដ១៩ មានប្រសិទ្ធិភាពក្នុងការបង្ការការឆ្លងវីរុសកូវីដ១៩បំប្លែងថ្មី(Delta) បានដែរឬអត់?

ភ្នំពេញ៖ នៅក្នុងពេលនេះ មានសំណួរជាច្រើនដែលប្រជាជនជាច្រើនពុំទាន់យល់ច្បាស់ ថាតើវ៉ាក់សាំងកូវីដ១៩ ពិតជាមានប្រសិទ្ធិភាពក្នុងការបង្ការការឆ្លងវីរុសកូវីដ ១៩ ប្រភេទបម្លែងថ្មី(Delta) បានឬអត់?

ដោយឡែក បើយោងតាមការអះអាងរបស់ អង្គការសុខភាពពិភពលោកបានលើកឡើងនៅព្រឹកថ្ងៃទី១៧សីហានេះថា វ៉ាក់សាំងកូវីដ១៩ អាចមិនសូវមានប្រសិទ្ធិភាពក្នុងការបង្ការការឆ្លងនិងបង្កឱ្យមានជំងឺកូវីដស្រាល ដែលបង្កឡើងដោយកូវីដ១៩ប្រភេទពូជដេលតា(Delta) ប៉ុន្តែវ៉ាក់សាំងកូវីដ១៩ មានប្រសិទ្ធភាពខ្ពស់ ការពារខ្លួនអ្នកពីជំងឺធ្ងន់ធ្ងរនិងចៀសផុតពីការស្លាប់ ទោះបង្កឡើងដោយពូជមេរោគអ្វីក៏ដោយ (រួមទាំងប្រភេទដេលតា: Delta)។

អាស្រ័យហេតុនេះ សូមបងប្អូនទាំងអស់ទៅចាក់វ៉ាក់សាំងការពារជំងឺកូវីដ១៩ទាំងអស់គ្នា ដើម្បីការពារខ្លួន រួមទាំងមនុស្សជាទីស្រលាញ់ដែលនៅក្បែរខ្លួនអ្នកផងដែរ៕

ប្រភព និងរូបភាព៖ នាយកដ្ឋានយុទ្ធនឹងជំងឺឆ្លង

សូមចូលទស្សនារូបភាពខាងក្រោម៖