អង់គ្លេស៖ អ្នកជួលផ្ទះដ៏អាក្រក់បំផុត បានចាកចេញពីផ្ទះជួល ដោយបន្សល់ទុកនូវសម្បកកំប៉ុងស្រាបៀរជាង៨,០០០កំប៉ុង អាហារស្អុយរលួយ និងក្រដាសបង្គន់ប្រើរួច ដែលគរដូចភ្នំពាសពេញតែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្មីៗនេះ លោក Freddie អាយុ២៩ឆ្នាំ មកពី Hampshire នៃប្រទេសអង់គ្លេស និងមានមានតួនាទីជាអ្នកសម្អាត រួមទាំងជាអ្នកជំនាញគ្រប់គ្រងទឹកស្អាត ត្រូវបានគេប្រគល់ភារកិច្ចឲ្យទៅសម្អាតផ្ទះមួយខ្នង ដែលអ្នកជួលផ្ទះបានពង្រាយសំរាមយ៉ាងគរ។
មុនពេលចាកចេញទៅ អ្នកជួលផ្ទះបានផ្ញើសារទៅកាន់ម្ចាស់ផ្ទះជួលផ្ទាល់ ដោយនិយាយថា ខ្លួនប្រហែលជាបណ្ដោយឲ្យផ្ទះមានភាពរញ៉េរញ៉ៃបន្ដិចហើយ ខណៈម្ចាស់ផ្ទះបានខាតបង់ប្រាក់ជាង១៦,៦០០ដុល្លារអាមេរិក ដោយសារអ្នកជួលមិនព្រមបង់ប្រាក់ថ្លៃឈ្នួលមួយឆ្នាំ។
តួយ៉ាង នៅក្នុងបន្ទប់ទឹក មានសភាពយ៉ាងកខ្វក់ ដោយចានបង្គន់ដូចមិនដែលចាក់ទឹក និងក្រដាសបង្គន់ដែលមានលាមកជាប់ ហើយនៅក្នុងផ្ទះបាយវិញ ក៏មិនចាញ់គ្នាប៉ុន្មានដែរ ដោយកៅអី និងតុបរិភោគអាហារ ត្រូវបានជន់លិចដោយសំរាម ដែលស្ទើរតែមើលមិនឃើញ។
យ៉ាងណាមិញ ចំពោះការសម្អាតនេះដែរ អ្នកសម្អាតបានចំណាយពេលជិត៣០ម៉ោងឯណោះ ក្នុងរយៈពេលបីថ្ងៃ និងប្រើទឹកថ្នាំលាងសម្អាតដល់ទៅ១០ដបផងដែរ ដើម្បីឲ្យសភាពផ្ទះវិញទៅរកសភាពប្រក្រតីវិញ៕
ប្រភព: Daily Mail
សូមទស្សនារូបភាពនិងវីដេអូខាងក្រោម៖