លទ្ធផលតេស្តកូវីដ១៩ ក្នុងចំណោមប្រជាពលរដ្ឋ ចំនួន ៧០នាក់ នៅសង្កាត់ចាក់អង្រែក្រោម បានចេញជាផ្លូវការណ៍ហើយ

ភ្នំពេញ៖ ក្រោយពីមានផ្ទុះការឆ្លងរាលដាលនៃមេរោគបំប្លែងខ្លួនថ្មី ប្រភេទ (Delta) នៅទីតាំងសង្កាត់ចាក់អង្រេក្រោមរួចមក ពេលនេះក្រុមគ្រូពេទ្យបានធ្វើការយកសំណាកប្រជាពលរដ្ឋដែលនៅក្បែរៗនោះមក ពិនិត្យ និងវិភាគសំណាក ដោយទទួលបានលទ្ធផលហើយ។

ដោយឡែក កាលពីយប់ថ្ងៃទី​១២ ខែ​សីហា​ ឆ្នាំ​២០២១​ ក្រុមគ្រូពេទ្យ បានចុះទៅធ្វើតេស្តដល់ប្រជាពលរដ្ឋ ចំនួន ៧០នាក់ នៅភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដោយទទួលបានលទ្ធផលវិជ្ជមានកូវីដ១៩ ចំនួន០១នាក់ ក្នុងចំណោមប្រជាពលរដ្ឋ៧០នាក់។

អាស្រ័យហេតុនេះ រដ្ឋមន្ត្រីក្រសួងសុខាភិបាលបានក្រើនរំលឺកជាថ្មីម្តងទៀតដល់ប្រជាពលរដ្ឋបន្តប្រុងប្រយ័ត្នខ្ពស់ ការពារខ្លួនកុំភ្លេចខ្លួនអោយសោះ ត្រូវចេះផ្លាស់ប្តូរទំលាប់រស់នៅរបស់ខ្លួន ជាពិសេសក្នុងកំឡុងពេលវីរុសបម្លែងខ្លួនថ្មី (Deta) កំពុងតែមានវត្តមានបណ្តើរៗ ក្នុងប្រទេសកម្ពុជា៕

សូមចូលទស្សនារូបភាពខាងក្រោម៖