ឥណ្ឌូណេស៊ី៖ កាលពីថ្ងៃពុធទី១១ ខែសីហាម្សិលមិញនេះ អ្នកភូមិមួយក្រុម រួមទាំងអ្នកជំនាញ មកពីភូមិ Tembok Gede ក្នុងប្រទេសឥណ្ឌូណេស៊ី បានបង្កើតមនុស្សយន្ដមួយឲ្យចេញជារូបរាង ទុកសម្រាប់ប្រើប្រាស់ក្នុងភូមិអំឡុងពេលជំងឺកូវីដ-១៩រាតត្បាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមនុស្សយន្ដនេះ ត្រូវបានបង្កើតឡើងដោយ យករបស់ប្រើប្រាស់ចាស់ៗក្នុងផ្ទះមកធ្វើ រួមមានឆ្នាំងដាំបាយ (ចេញជាក្បាល) ទូរទស្សន៍ (តួខ្លួន) ខ្ទះ និងធើងផ្កាជាដើម ដែលគេដាក់ឈ្មោះឲ្យវាថា “Delta robot”។ ហើយវាអាចដំណើរការបានដោយការបញ្ជាពីចម្ងាយ ជាមួយនឹងថាមពលថ្ម១២ម៉ោង។ វាជាមនុស្សយន្ដមួយ ក្នុងចំណោមមនុស្សយន្ដជាច្រើនទៀត ដែលផលិតក្នុងភូមិ និងទទួលបានកេរ្តិ៍ឈ្មោះល្បីល្បាញដោយសារការប្រើប្រាស់បច្ចេកវិទ្យាប្រកបដោយភាពច្នៃប្រឌិត។
យ៉ាងណាមិញ មនុស្សយន្ដនេះ ប្រើសម្រាប់សេវាកម្មសាធារណៈដូចជាបាញ់ថ្នាំសម្លាប់មេរោគ ចែកចាយស្បៀងអាហារ និងបំពេញតម្រូវការអ្នកភូមិដែលនៅដាច់ដោយឡែកពីគេផងដែរ៕
ប្រភព: Asiaone
សូមទស្សនារូបភាពខាងក្រោម៖