បាងកក៖ យោងតាមអភិបាលខេត្ត លោក Veerasak Vichitsangsri បានឱ្យដឹងថា ក្រុមគ្រូពេទ្យជួរមុខជាង ៣០០នាក់ នៅទូទាំងស្រុកចំនួន៣ ក្នុងខេត្តសាមុតសាខន បានឆ្លងជំងឺកូវីដ១៩។ នេះបើតាមប្រភពព័ត៌មាន Bangkok Post។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោកអភិបាលបានបង្ហាញតួលេខនេះ នៅលើទំព័រហ្វេសប៊ុក កាលពីម្សិលមិញដោយនិយាយថា ខេត្តបានចែកចាយកញ្ចប់ជំនួយសង្គ្រោះ ដល់គ្រូពេទ្យដែលឆ្លងរោគ ខណៈពេលកំពុងបំពេញការងារ។ ហើយក្រុមគ្រូពេទ្យជាច្រើន ត្រូវបានដាក់ពង្រាយនៅទូទាំងស្រុក Muang, Ban Phaeo និង Krathum Baen។
ឆ្លើយតបទៅនិងបញ្ហានេះ អភិបាលខេត្តក៏បានអំពាវនាវដល់រដ្ឋាភិបាលឱ្យផ្តល់ជូនការចាក់វ៉ាក់សាំងប្រឆាំងកូវីដ១៩ Pfizer ដូសទី៣ ដល់គ្រូពេទ្យជួរមុខផងដែរ។ លោកបានបន្ថែមទៀតថា ក្រុមគ្រូពេទ្យសមនឹងទទួលបានការការពារដ៏ល្អបំផុត ដែលរដ្ឋាភិបាលអាចផ្តល់ជូនបាន ដោយពួកគេជាទ្រព្យដ៏សំខាន់បំផុត ក្នុងការប្រយុទ្ធប្រឆាំងនឹងជំងឺកូវីដ-១៩៕