ក្តៅៗ! នៅភ្នំពេញ បិទខ្ទប់តំបន់ ២កន្លែង ក្រោយរកឃើញ ពាក់ព័ន្ធវីរុសកូវីដបម្លែងថ្មី

រាជធានីភ្នំពេញ ៖ ក្តៅៗ នៅរសៀលថ្ងៃទី ០២ សីហា មុននេះបន្តិច រដ្ឋបាលរាជធានីភ្នំពេញ បានប្រកាសបិទខ្ទប់ ទីតាំងចំនួន ២ ចំនួន ១៤ថ្ងៃ ដោយគិតចាប់ពី ម៉ោងសូន្យ នាថ្ងៃទី ០៣ សីហា ដល់ថ្ងៃទី ១៦ សីហា ក្រោយរកឃើញ ពាក់ព័ន្ធនឹង អ្នកជំងឺឆ្លង វីរុសកូវីដបម្លែងថ្មី Delta ប្រភពពីឥណ្ឌា ដើម្បីទប់ស្កាត់ និងកាត់ផ្តាច់ការឆ្លងរាលដាល នៅក្នុងសហគមន៍។

គួរបញ្ជាក់ផងដែរថា​ ទីតាំងចំនួន២ នេះ មានដូចជា ៖ 

• រដ្ឋបាលរាជធានីភ្នំពេញ សម្រេចបិទខ្ទប់ ច្រកចូលផ្លូវមួយចំនួនក្នុងភូមិ៥ សង្កាត់បឹងសាឡាង ខណ្ឌទួលគោក ដែលមានការឆ្លងរាលដាលមេរោគបំប្លែងថ្មី Delta។ 

• រដ្ឋបាលរាជធានីភ្នំពេញ សម្រេចបិទខ្ទប់ កំណាត់ផ្លូវលេខ ៩៣ ក្នុងភូមិផ្សារតូច សង្កាត់ទួលសង្កែទី១ ខណ្ឌឫស្សីកែវ ដែលសង្ស័យពាក់ព័ន្ធមេរោគបំប្លែងថ្មី Delta ។