Katy Perry តែងខ្លួនឡើងស្រស់ស្អាតស្របពេលបណ្ដើរគូស្នេហ៍ចូលរួមកម្មវិធី

បរទេស៖ កាលពីយប់ថ្ងៃទី ៣១ ខែកក្កដា កន្លងទៅនេះ កម្មវិធីរៃអង្គាសថវិការបស់អង្គការយូនីសេហ្វ​ (Unicef) បានប្រព្រឹត្តធ្វើឡើងនៅទីក្រុង Capri ប្រទេសអ៊ីតាលី ដែលនៅក្នុងនោះដែរ ពិតជាមានភាពទាក់ទាញយ៉ាងខ្លាំង ដោយមានវត្តមាននៃការចូលរួមពីសំណាក់តារាហូលីវូដល្បីៗជាច្រើន។ 

យ៉ាងណាមិញ តាមរយៈកម្មវិធីមួយនេះ ក៏មានវត្តមានគូស្នេហ៍តារាប្រុសស្រី រវាងតារាចម្រៀងស្រី Katy Perry និង លោក Orlando Bloom ដែលបានមកចូលរួមកម្មវិធីមួយនេះ ធ្វើឲ្យមានការផ្ដោតអារម្មណ៍យ៉ាងខ្លាំងពីមនុស្សជុំវិញដោយនៅក្នុងនោះ ការបង្ហាញខ្លួនរបស់ Katy Perry បន្ទាប់ពីសម្រាលកូនរួច នាងពិតជាមានភាពលេចធ្លោនៅលើបណ្តាញសង្គម ជាមួយនឹងការស្លៀកពាក់ក្នុងរ៉ូបពណ៌ខ្មៅ បញ្ចេញស្មាដ៏សិចស៊ី យ៉ាងមានមន្តស្នេហ៍នៅអាយុ ៣៦ ឆ្នាំ ថែមទៀតផង។

មិនត្រឹមតែប៉ុណ្ណោះ តារាចម្រៀងស្រីរូបនេះ ក៏ទទួលបានការកោតសរសើរជាច្រើន ពីអ្នកនិយមលេងអ៊ីនធឺណេត ជាមួយនឹងការតុបតែងខ្លួនដ៏ទាក់ទាញ មានភាពស្រស់ស្អាត និងមើលទៅសិចស៊ីនៅក្នុងក្រសែអ្នកទស្សនា ជាងមិត្តប្រុសរបស់នាងដែលបានបណ្ដើរគ្នាចូលកម្មវិធី ផងដែរ៕ 

ប្រភព៖ Kenh14

សូមទស្សនារូបភាពខាងក្រោម៖