បរទេស៖ ប្រិយមិត្តមួយចំនួនប្រាកដជាបានស្គាល់ហើយ នូវម្ចាស់មេដាយមាសផ្នែកលោតក្បាច់ច្រមុជទឹកជាគូពីការប្រកួតកីឡាអូឡាំពិក ក្នុងប្រទេសជប៉ុន ដែលមានឈ្មោះថា Tom Daley។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្មីៗនេះ មហាជនជាច្រើនបានសម្ដែងអារម្មណ៍ភ្ញាក់ផ្អើលយ៉ាងខ្លាំង ចំពោះវីដេអូឃ្លីបខ្លីមួយ ដែលបានបង្ហាញឲ្យឃើញថា គាត់កំពុងអង្គុយចាក់អំបោះក្រណាត់យ៉ាងស្ងៀមស្ងាត់ ខណៈការប្រកួតផ្តាច់ព្រ័ត្រលោតក្បាច់ច្រមុជទឹក ចម្ងាយ៣ម៉ែត្ររបស់ស្ត្រី។ ហើយវីដេអូឃ្លីបនេះដែរ ត្រូវបានគេយកទៅបង្ហោះចែកចាយ ដោយទទួលបានការចាប់អារម្មណ៍យ៉ាងខ្លាំងផងដែរ។
យ៉ាងណាមិញ ម្ចាស់សាមីខ្លួនផ្ទាល់បានចេញមុខ ឆ្លើយតបចំពោះសកម្មភាពរបស់ខ្លួនតាមរយៈគណនីបណ្ដាញសង្គមថា ការចាក់អំបោះក្រណាត់ បានក្លាយទៅជាវិធីសាស្ត្រមួយ ក្នុងការស្វែងរកភាពស្ងប់ស្ងាត់ ការធ្វើសមាធិ និងបំបាត់ភាពតានតឹង ហើយគាត់ពិតជាស្រលាញ់ក្នុងការធ្វើវាណាស់៕
សូមទស្សនារូបភាពនិងវីដេអូខាងក្រោម៖
ប្រភព: Daily Mail / ladbible