ជប៉ុន៖ គូស្វាមីភរិយាវ័យចំណាស់មួយគូ មកពីប្រទេសជប៉ុន ទទួលបានការចាប់អារម្មណ៍ និងល្បីល្បាញយ៉ាងខ្លាំងនៅលើបណ្ដាញសង្គមអ៊ីនស្ដារក្រាម ដែលមានអ្នកតាមដានរហូតដល់ជាង៨៣០,០០០នាក់ ដោយសារតែការស្លៀកពាក់ស្រដៀងៗគ្នារបស់ពួកគាត់ទាំងពីរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Tsuyoshi និងភរិយា Tomi Seki ឬត្រូវបានគេហៅថា Bon និង Pon បានរៀបការជាមួយគ្នាអស់រយៈពេល៤១ឆ្នាំមកហើយ។ ហើយភាពល្បីល្បាញរបស់ពួកគាត់ គឺចាប់ផ្ដើមឡើងដំបូងកាលពីជាង៥ឆ្នាំមុន ដែលពេលនោះ ពួកគាត់បានបង្ហោះរូបភាពដែលបង្ហាញឲ្យឃើញពីការស្លៀកពាក់ស្រដៀងគ្នា នៅលើគណនីរបស់កូនស្រី។ ទន្ទឹមនឹងនោះ ក៏មានមហាជនជាច្រើន បានស្នើឲ្យពួកគាត់បង្កើតគណនីផ្ទាល់ខ្លួនផងដែរ។
តួយ៉ាង អ្នកស្រី Tomi បាននិយាយរៀបរាប់ឲ្យដឹងដែរថា ពួកគាត់ពិតជាសប្បាយចិត្តយ៉ាងខ្លាំង ដែលបានធ្វើនូវអ្វី ដែលមិនបានធ្វើកាលពីមុន។ ហើយជីវិតចូលនិវត្តន៍ ពិតជាមានក្ដីសុខណាស់ នៅពេលរកឃើញអ្វីមួយ ដែលធ្វើឲ្យពួកគាត់សប្បាយចិត្ត។
យ៉ាងណាមិញ គេគ្រប់គ្នា បានប្រាថ្នាចង់បានសេចក្ដីស្រលាញ់រវាងស្វាមីនិងភរិយាបែបនេះដែរ ដោយសារតែពួកគាត់មើលទៅ នៅតែមានភាពល្អូកល្អឺននឹងគ្នា បើទោះបីជាវ័យចំណាស់មែនក៏ដោយ៕
សូមទស្សនារូបភាពខាងក្រោម៖
ប្រភព: Bored Panda / Instagram / ladbible