បរទេស៖ អ្នកច្នៃប្រឌិតរ៉ូបូត BeachBot លោក Edwin Bos និង Martijn Lukaart នៃក្រុមហ៊ុន TechTics មានការធុញទ្រាន់នឹងចំនួនកន្ទុយបារី នៅលើឆ្នេរ Scheveningen Beach ក្នុងប្រទេសហូឡង់។ តើអ្វីទៅជាដំណោះស្រាយ? ពួកគាត់បានបង្កើតរ៉ូបូតដែលមើលទៅដូចជារថយន្តឋានព្រះចន្ទ ហើយបានដាក់ដៃដើម្បីឲ្យវារើសយកកន្ទុយបារីទាំងនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាលទ្ធផលគឺគេបានបង្កើតរ៉ូបូត BeachBot ឬ BB ដែលមានកង់ដូចប៉េងប៉ោង។ ជាមួយនឹងការរចនាបែបអនាគត រ៉ូបូត Beachbot មានទទឹង៧៦សង់ទីម៉ែត្រ ហើយមានសម្បកកង់ឥតក្រឡា ដែលមិនដានជាប់ស្នាមនៅលើឆ្នេរខ្សាច់។ វាក៏មានដៃមួយគូ ដែលអាចចាប់យកកន្ទុយបារីទាំងនោះ ចេញពីមាត់សមុទ្រ។ កន្ទុយបារីអាចមើលទៅ មិនបង្កគ្រោះថ្នាក់ដល់មនុស្សខ្លះមែន ប៉ុន្តែរបស់គួរឲ្យស្អប់ខ្ពើមទាំងនេះ មានមីក្រូប្លាស្ទិកនិងសារធាតុគីមី ដែលបង្កគ្រោះថ្នាក់ដល់ត្រីនិងសត្វសមុទ្រដទៃទៀត។
វាស្ដាប់មើលទៅគួរឲ្យចាប់អារម្មណ៍ ប៉ុន្តែតើរ៉ូបូត BB ដំណើរការយ៉ាងដូចម្ដេចទៅ? ជាការពិត អ្នកសម្អាតឆ្នេរស្វ័យប្រវត្តិនេះមានបំពាក់ខួរក្បាលបញ្ញាសប្បនិម្មិត AI។ ស្រដៀងគ្នានឹងរថយន្តស៊េរីទំនើបដែរ រ៉ូបូត BeachBot បានប្រើប្រាស់បញ្ញាសប្បនិម្មិតនិងក្បួនដោះស្រាយចាប់រូបភាព ដើម្បីដឹងពីកន្ទុយបារី បែងចែកឲ្យដាច់ពីរបស់របរផ្សេងទៀតដូចជា ស្បែកជើងផ្ទាត់ កន្សែង និងសំរាមធំៗ។ យោងតាមក្រុមហ៊ុន TechTics រ៉ូបូត BB នឹងអាចរៀនលឿនជាងមុន នៅពេលមូលដ្ឋានទិន្នន័យបន្តកើនឡើង៕
ប្រភព: SlashGear