ជប៉ុន៖ ប្រធានអូឡាំពិកតូក្យូ បានសម្ដែងនូវអារម្មណ៍ មិនសប្បាយចិត្តឡើយ ដែលបណ្ដាអ្នកគាំទ្រកីឡារាប់រយនាក់ ត្រូវបង្ខំចិត្តឈរទស្សនាការប្រកួតប្រណាំងកង់ពីលើស្ពាន ខណៈដែលខាងពហុកីឡដ្ឋានខំហាមឃាត់មិនឲ្យចូលទស្សនា ដើម្បីការពារពីការឆ្លងរាលដាលនៃជំងឺកូវីដ-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសម្ដីរបស់បុរសវ័យ៥១ឆ្នាំ ជាអ្នកគាំទ្របានឲ្យដឹងថា រូបគាត់បានទស្សនាការប្រកួតនៅផ្ទះកាលពីថ្ងៃសៅរ៍ ទី៣១ តែក៏គិតថា គាត់ក៏អាចទៅទស្សនាផ្ទាល់បានដែរពីលើស្ពាន បើទោះបីជាគេហាមឃាត់មិនឲ្យចូលពហុកីឡដ្ឋានក៏ដោយ។ ងាកទៅកាន់សម្ដីរបស់យុវជនម្នាក់ទៀត បានឲ្យដឹងដែរថា មានមនុស្សជាច្រើនមកទស្សនាផ្ទាល់ ដើម្បីលើកទឹកចិត្តដល់កីឡាករ ហើយស្ថានភាពហាក់ដូចជាមិនមានអីជាការបារម្ភឡើយ ដោយសារតែគេភាគច្រើនសុទ្ធសឹងតែពាក់ម៉ាស់ការពារយ៉ាងត្រឹមត្រូវ។
យ៉ាងណាមិញ ក្រោយពីមានរូបភាពប៉ុន្មានសន្លឹកបង្ហោះចែកចាយលើបណ្ដាញអ៊ីនធឺណេតរួចមក មានមហាជនមួយចំនួន បានបញ្ចេញមតិដោយលើកឡើងថា គួរណាស់តែអនុញ្ញាតឲ្យចូលទស្សនាក្នុងពហុកីឡដ្ឋាន ហើយឲ្យម្នាក់ៗត្រូវតែរក្សាគម្លាតគ្នា ប្រសើរជាងបណ្ដោយឲ្យនាំគ្នាឈរតាន់តាប់នៅខាងក្រៅដូច្នេះផងដែរ៕
សូមទស្សនារូបភាពខាងក្រោម៖
ប្រភព: Daily Mail