ភ្នំពេញ៖ ជឿជាក់ថាគ្រប់គ្នាប្រាកដជានៅចង់ចាំ ក្មេងស្រីនៅខេត្តមណ្ឌលគីរី ដែលមានបំណងប្រាថ្នាក្លាយជាគ្រូបង្រៀន និងជាតារាចម្រៀងនៅថ្ងៃអនាគត នោះគឺ ប្អូនស្រី យ៉ង់ ស្រីនីត ដែលបានផ្ទុះនូវការចាប់អារម្មណ៍យ៉ាងខ្លាំងពីសំណាក់មហាជនជាច្រើន ចំពោះការខិតខំប្រឺងប្រែងរបស់ប្អូនស្រី ដើម្បីផ្គត់ផ្គង់ជីវភាពគ្រួសារ ជាពិសេសថែមទាំងមានការសរសើរទៅលើសម្រស់ដ៏ស្រស់ស្អាតរបស់ប្អូនស្រី ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ថ្មីៗនេះ យោងតាមការបង្ហោះរូបភាពព្រមទាំងខ្លឹមសារមួយចំនួន ពី លោកឧកញ៉ា ស្រីចាន់ថន ដែលបានបង្ហាញពីដំណឹងដ៏ភ្ញាក់ផ្អើលមួយ ដោយនៅខណៈពេលនេះ ប្អូនស្រី យ៉ង់ ស្រីនីត កំពុងតែរៀនឆុងកាហ្វេនៅសួនកម្សាន្តមួយកន្លែង។
ជាពិសេសនោះដែរ ជាមួយនឹងការសិក្សាមួយនេះ យ៉ង់ ស្រីនីត ពិតជាបានខិតខំប្រឹងប្រែង ក៏ដូចជាបន្តរៀនជំនាញបន្ថែមទៀត ដើម្បីអាចជួយផ្គត់ផ្គង់ជីវភាពគ្រួសារនៅឯស្រុកកំណើត ដែលធ្វើឲ្យមហាជនជាច្រើនបានបង្ហាញពីការពេញចិត្ត និងកោតសរសើរចំពោះប្អូនស្រី ដែលមានការតាំងចិត្តអភិវឌ្ឍខ្លួនឯងឲ្យកាន់តែល្អប្រសើរនៅពេលអនាគត ផងដែរ៕
ប្រភព៖ Srey Chanthorn
សូមទស្សនារូបភាពខាងក្រោម៖