ធ្លាប់តែឃើញ សម្រស់ពេលគ្មានសក់ តែពេលនេះ គ្រីស ឌីវ៉ា ដុះសក់វិញ សម្រស់ក៏ស្អាតមិនណយដែរ

រាជធានីភ្នំពេញ ៖  ពិតមែនហើយ កញ្ញា គ្រីស ឌីវ៉ា គឺជាអ្នកច្នៃម៉ូត និងជាតារាស្រី ក៏ដូចជា ឌីជេ ដ៏មានសម្រស់ស្រស់ស្អាតបូករួមនឹងទេពកោសល្យមួយរូប ដែលកំពុងតែទទួលបានភាពល្បីល្បាញ និងការគាំទ្រយ៉ាងខ្លាំងពីសំណាក់យុវវ័យនិងបណ្តាអ្នកគាំទ្រផ្សេងទៀតជាច្រើនផងដែរ។  

ជាមួយគ្នានេះ មហាជនជាច្រើន ធ្លាប់បានសរសើរសម្រស់ តារាស្រីរូបនេះ ក្នុងស្ទាយ៍សក់គ្មានសក់សូម្បីតែមួយសរសៃ ដែលជាធម្មតា មនុស្សស្រីភាគច្រើន តែងតែគិតថា ពួកគេនឹងមានសម្រស់ស្រស់ស្អាត រាល់ពេលពួកគេមានសក់វែង រលាស់ រលោង តែផ្ទុយទៅវិញ ឌីជេ ឌីវ៉ា អាចជម្រះការគិតបែបនេះបាន។

មិនតែប៉ុណ្ណោះ ថ្មីៗនេះ ហ្វេនៗនាំគ្នា ភ្ញាក់ផ្អើលជាខ្លាំង ក្រោយពេល តារាស្រីរូបនេះ តុបតែងជាមួយម៉ូតសក់ប្រះស្មា ដែលក្នុងនោះ រូបនាង បញ្ជាក់ប្រាប់ថា សក់របស់នាងបានដុះវិញហើយ ទន្ទឹមនឹងនេះ បើនិយាយពីសម្រស់ពេលមានសក់វិញដូច្នេះ រូបនាង ក៏ស្អាតមិនណយដែរ ប្លែកភ្នែកតែ ទាក់ទាញខ្លាំងមែន៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖