អាល្លឺម៉ង់៖ អ្នកម៉ៅការសំណង់ម្នាក់ បានសម្ដែងនូវអារម្មណ៍ខឹងសម្បារយ៉ាងខ្លាំង ដោយប្រើរថយន្ដសំណង់កម្ទេចយ៉រនៃអគារអាផាតមិន ដែលសាងសង់រួចចោល ក្រោយពីម្ចាស់អគារមិនព្រមបង់ប្រាក់ចំនួនប្រមាណ៥.៨លានដុល្លារអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ហេតុការណ៍នេះ បានកើតឡើងកាលពីថ្ងៃទី២៨ ខែកក្កដាកន្លងទៅថ្មីៗនេះ នៅទីក្រុង Blumberg ភាគខាងត្បូងនៃប្រទេសអាល្លឺម៉ង់។ សកម្មភាពនៃការកម្ទេច ត្រូវបានថតឡើងដោយអ្នកនៅក្បែរៗនោះ និងយកទៅបង្ហោះចែកចាយដោយទទួលបានការចាប់អារម្មណ៍យ៉ាងខ្លាំង។ ទន្ទឹមនឹងនេះ វាក៏បានបង្កឲ្យមានការព្រួយបារម្ភដែរ ដោយសារតែមានធុងហ្អាសនៅក្នុងអគារ ដែលធ្វើឲ្យប៉ូលិសចុះទៅដល់ទីតាំងផ្ទាល់ ដើម្បីការពារសុវត្ថិភាពប្រជាជននៅក្បែរនោះ។
យ៉ាងណាមិញ អ្នកម៉ៅការសំណង់ខាងលើ បានបើករថយន្ដគេចខ្លួនពីកន្លែងកើតហេតុ តែក្រោយមក ក៏ព្រមប្រគល់ខ្លួនទៅកាន់ប៉ូលិសតែម្ដង។ ហើយជុំវិញហេតុការណ៍នេះ មិនមាននរណាម្នាក់ នៅក្នុងអគារអាផាតមិនឡើយ និងមិនមានករណីរងរបួសត្រូវបានរាយការណ៍ផងដែរ៕
សូមទស្សនារូបភាពនិងវីដេអូខាងក្រោម៖
ប្រភព: Daily Mail