សមាជិកក្រុម BTOB Minhyuk ធ្វើរឿងមួយនេះភ្លាមៗ ក្រោយពីបានជាសះស្បើយពីកូវីដ១៩ ​

ខ្ញុំត្រូវបានក្រុមគ្រូពេទ្យអនុញាតិឱ្យចាកចេញពីមន្ទីរពេទ្យហើយ នៅថ្ងៃនេះ។ ខ្ញុំបានត្រឡប់មកវិញហើយ ក៏ព្រោះតែអ្នកទាំងអស់គ្នា ដែលតែងតែលើកទឹកចិត្តខ្ញុំ។ ដូចអ្នករាល់គ្នាបានដឹងហើយ គ្រាន់តែបានទទួលដំណឹងនេះភ្លាម ខ្ញុំបានធ្វើការឡាយវីដេអូនេះ ដើម្បីប្រាប់អ្នកទាំងអស់គ្នាពីអាការៈសុខភាពរបស់ខ្ញុំ។

ដូចអ្វីដែលអ្នកទាំងអស់គ្នាបាននិយាយអញ្ចឹង ខ្ញុំស្រកទម្ងន់ច្រើន។ ខ្ញុំបានត្រៀមខ្លួនសម្រាប់ថតរូប ដូច្នេះខ្ញុំបានខិតខំប្រឹងប្រែងហាត់ប្រាណជាខ្លាំង និងមានទម្ងន់ ៦២គីឡូក្រាម ដោយគ្មាខ្លាញ់ខ្លួន។ ប៉ុន្តែ ពេលខ្ញុំត្រូវបានអនុញាតិឱ្យចេញពីមន្ទីរពេទ្យ ខ្ញុំបានស្រក់ទម្ងន់នៅត្រឹម ៥៨គីឡូក្រាម។

ក្នុងរយៈពេល ៧ ទៅ ៨ ថ្ងៃចាប់តាំងពីខ្ញុំចាប់ផ្តើមមានអារម្មណ៍ថាសីតុណ្ហភាពខ្ញុំនៅដដែលគឺ ៣៩ អង្សាទោះបីខ្ញុំទទួលថ្នាំបន្ថយគ្រុនក្តៅក៏ដោយសីតុណ្ហភាពខ្ញុំបានថយចុះ ៣៨ អង្សារ។ មនុស្សខ្លះមិនមានរោគសញ្ញាឬមានរោគសញ្ញាស្រាល មិនធ្ងន់ធ្ងរទេដូច្នេះវាល្អ។ ប៉ុន្តែក្នុងនាមជាមនុស្សម្នាក់ដែលទទួលរងពីរោគសញ្ញាខ្ញុំពិតជាចង់ប្រាប់អ្នកទាំងអស់គ្នាឱ្យប្រយ័ត្នប្រយែង៕