កូរ៉េខាងត្បូង ៖ ជាមួយទេពកោសល្យពីធម្មជាតិ និងនិស្ស័យល្អរបស់លោកផ្ទាល់ ក្នុងនាមជាតារាសម្ដែងប្រុសល្បី Song Kang បានចាប់យកបេះដូង ក៏ដូចជាការស្រលាញ់គាំទ្រដ៏សែនធំធេងពីសំណាក់ហ្វេនៗ ចាប់តាំងពីលោកបង្ហាញមុខតាមរយៈរឿង Love Alarm និង រឿង Nevertheless មកម៉្លេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាចដោយសារចរិតសម្ដែងក្នុងរឿង ហើយក្នុងជីវិតពិត Song Kang គឺជាបុរសដែលមានបេះដូងទន់ភ្លន់ កក់ក្ដៅបំផុត ផងនោះ តារាប្រុសរូបនេះបានធ្វើឲ្យហ្វេនៗកាន់តែរំភើបចិត្តកាន់តែខ្លាំង និងមានមោទភាពចំពោះលោកថែមទៀត ពេលផ្ដល់បទសម្ភាសន៍នៅ TMI ជាមួយនឹង GQ Korea ដោយបង្ហើបពីរឿងរ៉ាវដែលលោកបានចំណាយលុយពេលទទួលបានពីប្រាក់ខែដំបូងយកទៅធ្វើរឿងមួយនេះ ទៅដល់អ្នកមានគុណ។
ទន្ទឹមនឹងនេះដែរ ពិធីការបានសួរ Song Kang ពីអំណោយដ៏សែនមានន័យ និងចងចាំល្អៗមិនអាចបំភ្លេចបានសម្រាប់ទិវាគុណមាតាបិតា ដែលលោកបានជូនអ្នកមានគុណរបស់ខ្លួន។
ខណៈពេលនោះ Song Kang បាននិយាយថា លោកធ្លាប់ធ្វើការក្រៅម៉ោងកាលនៅជាសិស្ស ហើយបានយកលុយដែលជាប្រាក់ខែរកបានលើកដំបូងនោះ ទៅទិញអំណោយជូនលោកប៉ាអ្នកម៉ាក់របស់លោក ក្នុងនោះមានទិញ Undercoat ជូនលោកប៉ា និងម៉ាសថែរក្សាស្បែក ១កញ្ចប់ ជូនអ្នកម៉ាក់។
ទោះបីពេលនោះ Song Kang អាចទុកលុយដោយខ្លួនឯងបាន ប៉ុន្តែលោកបានសម្រេចធ្វើអ្វីមួយដ៏មានន័យសម្រាប់អ្នកមានគុណ ហើយរឿងនេះពិតជាសបញ្ជាក់ឲ្យឃើញថា តារាប្រុសរូបនេះពិបានគិតគិតគូរ យកចិត្តទុកដាក់ចំពោះគ្រួសារ និងជាទីស្រលាញ់របស់អ្នកគាំទ្រខ្លាំងយ៉ាងណា៕
ប្រភព ៖ Koreaboo