អេមណាស់! លេចឮថាលោក Wenger អាចនឹងដើរចូលទីលានវិញ ដោយដឹកនាំក្រុមជម្រើសជាតិមួយនេះ

បរទេស៖ យោងតាមសេចក្តីរាយការណ៍ពីការសែតរបស់ប្រទេស ស្វ៊ីស បានឱ្យដឹងថា លោក Arsene Wenger កំពុងឈានមុខគេក្នុងការទទួលបានតំណែងទៅដឹកនាំក្រុមជម្រើសជាតិ ស៊្វីស។ ហើយពេលនេះលោកកំពុងតែធ្វើការជាប្រធានផ្នែកអភិវឌ្ឍន៍បាល់ទាត់ពិភពលោក ក្រោមការគ្រប់គ្រងរបស់ FIFA បន្ទាប់ពីចាកចេញពីក្រុម Arsenal នៅឆ្នាំ ២០១៨។

ជាការពិតណាស់ ក្រោយក្រុមជម្រើសជាតិ ស្វ៊ីស បានឡើងទៅដល់វគ្គ ៨ ក្រុមចុងក្រោយនៃព្រឹត្តិការណ៍ Euro ២០២០, គ្រូបង្វឹករបស់ពួកគេលោក Vladimir Petkovic បានលាលែងចេញពីតំណែង ដើម្បីទៅដឹកនាំក្រុម Bordeaux នៅក្របខណ្ឌ Ligue 1 របស់បារាំងវិញម្តង។

សហព័ន្ធបាល់ទាត់របស់ប្រទេស ស្វ៊ីស កំពុងតែស្វែងរកអ្នកចាត់ការថ្មីម្នាក់ដែលធ្លាប់មានបទពិសោធន៍ជោគជាំនៅលើទីលាន ដើម្បីអាចសម្របខ្លួនជាមួយក្រុមបាល់ទាត់របស់ពួកគេបានឆាប់រហ័ស ព្រោះថាការប្រកួតបាល់ទាត់នៃព្រឹត្តិការណ៍ World Cup ២០២២ គឺនៅសល់ត្រឹមតែ ១៨ ខែទៀតប៉ុណ្ណោះ, ស្របពេលជាមួយគ្នានេះ លោក Wenger ត្រូវបានគេគិតថាជាបេក្ខភាពម្នាក់ដ៏ស័ក្តិសមបំផុតសម្រាប់ការមកដឹកនាំក្រុមជម្រើសជាតិ ស្វ៊ីស៕

ប្រភព៖ Sport Bible