ជប៉ុន៖ បឹងមួយឈ្មោះថា Kagami Numa មានទីតាំងស្ថិតនៅក្បែរភ្នំ Hachimantai ភាគពាយ័ព្យប្រទេសជប៉ុន ត្រូវបានគេជឿថា ជាកន្លែងដែលនាគចំនួនពីរក្បាលជួបជុំគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរាល់ពេលរដូវរងាម្ដងៗ ព្រិលទឹកកកបាន.កកកុញជុំវិញបឹង និងកកចំកណ្ដាលលើផ្ទៃទឹក ហើយអំឡុងពេលនិទាឃរដូវម្ដងៗ សម្ពាធពីជម្រៅទឹកបានបណ្ដាលឲ្យព្រិលរលាយ ដោយបំប្លែងរូបរាងបឹងទៅរាងជារង្វង់ ដូចភ្នែកសត្វនាគអីចឹង។ បាតុភូតប្រចាំឆ្នាំ មានរយៈពេលប្រមាណមួយសប្តាហ៍ប៉ុណ្ណោះនៅចន្លោះចុងខែឧសភានិងដើមខែមិថុនា មុនពេលទឹកកករលាយទាំងស្រុងវិញ។
រូបភាពប្លែកភ្នែកជាច្រើននៃទេសភាពបឹងនេះ បានល្បីល្បាញយ៉ាងខ្លាំងនៅលើបណ្ដាញអ៊ីនធើណេតក្នុងឆ្នាំ២០១៦ នៅពេលអ្នកទេសចរម្នាក់បានធ្វើការបង្ហោះចែកចាយ និងហៅវាថា “ភ្នែកនាគ”។ ហើយចាប់តាំងពីពេលនោះមក អ្នកទេសចរមកពីជុំវិញពិភពលោក បាននាំមកទស្សនាផ្ទាល់ភ្នែកផងដែរ។
យ៉ាងណាមិញ ទាក់ទងនឹងរឿងព្រេងរបស់ជប៉ុន បានដំណាលតៗគ្នាថា បឹងនេះជាកន្លែងដែលយុវជនវ័យក្មេងម្នាក់ បានផ្លាស់ប្ដូររាងកាយទៅជាសត្វនាគ បន្ទាប់ពីបានផឹកទឹកពីស្រះក្បែរនោះ។ ហើយគេក៏បានលង់ស្នេហ៍នាគញីមួយក្បាល ជាមនុស្សស្រីដែលមានវាសនាដូចគេដែរ ដែលម្នាក់ៗរស់នៅកន្លែងផ្សេងគ្នា និងយកបឹងនេះធ្វើជាកន្លែងណាត់ជួបគ្នាតែម្ដង។ បន្ថែមពីនេះទៀត គេជឿជាក់ថាក្ដីស្រលាញ់របស់នាគទាំងពីរនាក់ បានធ្វើឲ្យបឹងនេះមិនអាចកកបានឡើយ ហើយមកទល់សព្វថ្ងៃនេះ ក៏មានអ្នកទេសចរខ្លះយកតង្វាយទៅសែនផងដែរ៕
សូមទស្សនារូបភាពខាងក្រោម៖
ប្រភព: Oddity / bbc / mybestplace