បរទេស៖ កីឡាករ Giorgio Chiellini បានបញ្ជាក់ថា គាត់នឹងស្នាក់នៅក្របខណ្ឌ Serie A ជាមួយ Juventus ជាបន្តទៀត, ហើយគាត់ក៏បានត្រៀមខ្លួនរួចរាល់ហើយដែរ ដើម្បីចុះកុងត្រាថ្មីជាមួយក្លិបដែលមានមូលដ្ឋាននៅទីក្រុង Turin បន្ទាប់ពីកុងត្រារបស់គាត់បានផុតកំណត់ជាមួយក្លិបតាំងតែពីថ្ងៃទី ៣០ ខែ មិថុនា មកម្ល៉េះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប្រធានក្រុមរបស់ក្រុមជម្រើសជាតិ អ៊ីតាលី បានធ្វើឱ្យអ្នកគាំទ្រអស់ការមន្ទិលសង្ស័យជុំវិញអនាគតរបស់គាត់, ដោយក្នុងនោះខ្សែការពារកណ្តាលវ័យ ៣៦ ឆ្នាំបានធានាថា ខ្លួននឹងចូលមកហ្វឹកហាត់ជាមួយក្រុមនៅសប្តាហ៍បន្ទាប់។
ម្ចាស់ជើងឯកពានរង្វាន់ Euro ២០២០, ខ្សែការពារកណ្តាល Chiellini បានលើកឡើងយ៉ាងដូច្នេះថា៖
ខ្ញុំនឹងមកទីក្រុង Turin នៅថ្ងៃច័ន្ទនេះ, ព្រោះថាអ្នកចាត់ការថ្មី Massimiliano Allegri កំពុងតែរង់ចាំខ្ញុំ។ ខ្ញុំនឹងនៅទីនេះ ទោះបីវាថ្ងៃឈប់សម្រាកដ៏ល្អរបស់ខ្ញុំក៏ដោយ។ ខ្ញុំនឹងព្យាយាមជាមួយការបញ្ចប់អាជីពរបស់ខ្ញុំ ដោយឈ្នះពានរង្វាន់ជាច្រើន ព្រោះថាការឈ្នះពានរង្វាន់កាន់តែច្រើន វាធ្វើឱ្យខ្ញុំកាន់តែមានភាពស្រែកឃ្លាន៕
ប្រភព៖ Marca
Bong I.T