ខ្លីៗឆាប់ចប់! Real Madrid ផ្តាំទៅ Arsenal ថា បើចង់បានម្នាក់នេះខ្លាំង ឲ្យលុយ៥០លានអឺរ៉ូមក

អឺរ៉ុប៖ ក្លិប Arsenal ត្រូវការចំណាយប្រាក់យ៉ាងតិច៥០លានអឺរ៉ូ ប្រសិនបើពួកគេចង់ទិញផ្តាច់កីឡាករ Martin Odegaard ពី Real Madrid។

ជាការពិតណាស់ កាលពីរដូវកាលមុន Odegaard បានផ្លាស់ទៅកាន់ Arsenal ក្នុងលក្ខខណ្ឌខ្ចីជើង ហើយ លោក Mikel Arteta មិនលាក់បាំងឡើយអំពីមហិច្ឆតារបស់លោកក្នុងការចង់រក្សាខ្សែបម្រើសញ្ជាតិន័រវេសខាងលើចំនួនមួយរដូវកាលទៀត។

យ៉ាងណាក្តី បើយោងទៅតាមរបាយការណ៍ពីប្រទេសអេស្ប៉ាញ បានលើកឡើងថា Real Madrid ជឿជាក់ថា Odegaard នឹងព្យាយាមប្រឹងប្រែងដើម្បីដណ្តើមកៅអីជម្រើសដំបូងក្រោមការដឹកនាំរបស់លោក Carlo Ancelotti ប៉ុន្តែ ក្លិបនឹងយល់ព្រមលក់រូបទៅកាន់ Arsenal ក្នុងករណីក្លិបនៅអង់គ្លេសមួយនេះហ៊ានចំណាយប្រាក់ចំនួន៥០លានអឺរ៉ូ ហើយ Real Madrid ក៏នឹងមិនអនុញ្ញាតឲ្យខ្ចីជើងទៀតឡើយ៕

ប្រភព៖ metro