ទិញមកខុសហ្មង! Liverpool គ្រោងនឹងលក់កីឡាករមិនសូវបានលេងរូបនេះចេញ

អង់គ្លេស៖ ក្លិបហង្សក្រហម Liverpool ត្រូវបានគេរាយការណ៍ថានឹងលក់ខ្សែការពារ Kostas Tsimikas បន្ទាប់ពីពុំសូវបានប្រើកីឡាកររូបនេះ។

ក្លិប Napoli កំពុងចាប់អារម្មណ៍ចង់សុំខ្ចីជើង Tsimikas មុនរដូវកាលថ្មីបើកជាផ្លូវការប៉ុន្តែ Liverpool បានច្រានចោលសំណើនោះដោយប៉ងលក់ កីឡាករសញ្ជាតិក្រិករូបនេះផ្ដាច់តែម្ដង។

ភាគីលោកគ្រូបង្វឹក Jurgen Klopp បានទិញយកខ្សែការពារវ័យ២៥ឆ្នាំរូបនេះពីក្លិប Olympiacos កាលពីឆ្នាំមុន ប៉ុន្តែគេពុំសូវបានចូលលេងនោះឡើយដោយសារតែគេជាកីឡាករបម្រុងសម្រាប់ខ្សែការពារ Andy Robertson ដែលបង្ហាញមុខយ៉ាងទៀងទាត់ក្នុងក្រុម។

Kostas Tsimikas បានចូលលេងតែ៧ប្រកួតគត់បន្ទាប់ពីផ្ទេរមកទឹកដី Anfield ដោយភាគច្រើនគឺត្រូវគ្រូប្ដូរចូលនេះឯង។ 

គួរបញ្ជាក់ផងដែរថា  Tsimikas បានចូលលេងលើកដំបូងក្នុងក្របខណ្ឌ Premier League ក្នុងការប្រកួតនៅខែកុម្ភៈដែល Liverpool ចាញ់ Manchester City ៤ ទល់នឹង ១៕

ប្រភព៖ express