អឺរ៉ុប៖ យោងតាមលោក Paolo Paganini អ្នកការសែតមកពីគេទំព័រ Rai Sport ដែលជំនាញខាងទីផ្សារដោះដូរកីឡាករបានឲ្យដឹងថា ក្លិប Juventus បានផ្ដល់សំណើទៅកាន់ក្លិប Real Madrid ដើម្បីនាំយកខ្សែបម្រើ Toni Kroos ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពិតណាស់ បើនិយាយដល់ Juventus កាលពីរដូវកាលមុនមិនមែនជាក្រុមជោគជ័យទេ ដោយបានប្រកួតចាញ់ក្រុម Porto ក្នុងវគ្គ ១៦ក្រុម នៃក្របខណ្ឌ Champions League និងថែមទាំងមិនបានឈ្នះជើងឯក Serie A ទៀតផង។ ទាំងនេះហើយ មូលហេតុដែលពួកគេចង់រកកីឡាករមកពង្រឹងក្រុមបន្ថែម ដើម្បីកុំឲ្យរងបរាជ័យដូចរដូវកាលមុនទៀត។
តួយ៉ាង បន្ទាប់ពី Locatelli រួមទាំង Pjanic ខិតជិតមកដល់ ពេលនេះក្រុមសេះបង្កង់បានដាក់ការចាប់អារម្មណ៍លើ Kroos ម្នាក់ទៀត ដោយគ្រោងដាក់សំណើទៅកាន់ក្លិប Real Madrid ក្នុងតម្លៃ ៤០លានអឺរ៉ូ (ឬប្រមាណ ៤៧លានដុល្លារអាមេរិក) ។
ទន្ទឹមនឹងនេះ បើតាមការចេញផ្សាយកាលពីថ្ងៃពុធ បានឲ្យដឹងដែរថា Real Madrid ក៏នឹងរង់ចាំមើលការផ្ដល់សំណើ ក្នុងការនាំយកកីឡាកររបស់ខ្លួនណាម្នាក់ក្នុងក្រុមផងដែរ ដូច្នេះមានន័យថា សូម្បីតែ Kroos ដែលជាកីឡាករដ៏សំខាន់ម្នាក់នៅក្នុងក្រុម ក៏អាចនឹងត្រូវបានក្លិបបញ្ចេញ៕
ប្រភព៖ besoccer