កាចណាស់! ប្រកួតមិត្ដភាពប៉ះក្រុម Roma យប់មិញ Pepe លេងក្បាច់ចាស់ផ្អើលពេញតារាង (មានវីដេអូ)

អឺរ៉ុប៖ ក្រុម Porto បានធ្វើការប្រកួតមិត្ដភាពកម្ដៅសាច់ដុំ ជាមួយក្រុម Roma កាលពីយប់មិញនេះ នៅឯកីឡដ្ឋាន Camp Bela Vista ដោយបញ្ចប់ក្នុងលទ្ធផល ១ ទល់នឹង ១ ហើយទន្ទឹមនឹងនោះ ក៏មានការប៉ះទង្គិចគ្នាមួយប្រាវនៅក្នុងតង់ទី២ផងដែរ រវាងកីឡាករ Pepe នឹង Henrikh Mkhitaryan ។

នៅមុនពេលមានការប៉ះទង្គិចគ្នា គេមើលឃើញថា Pepe បានព្យាយាមរត់ទៅបាំង និងបានភ្ជាប់កែងដៃទៅជាមួយ បណ្ដាលឲ្យប៉ះត្រូវផ្ទៃមុខរបស់កីឡាករ Mkhitaryan មួយទំហឹង ជាហេតុធ្វើឲ្យរូបគេខឹងសម្បាយ៉ាងខ្លាំង ហើយបានស្ទុះមករក Pepe វិញ មួយរំពេចតែម្ដង។  

ទោះជាយ៉ាងណា ភ្លាមៗនោះទាំងក្រុមការងារ និងមិត្ដរួមក្រុមជាច្រើន ក៏បានរត់មកឃាត់ដើម្បីកុំឲ្យកើតមានជម្លោះកាន់តែធំផងដែរ។

នៅទីបំផុត អតីតកីឡាករក្រុម Manchester United និង Arsenal កីឡាករ Mkhitaryan ត្រូវអាជ្ញាកណ្ដាលផ្ដល់ជូនកាតលឿង ខណៈ Pepe បានរួចផុតការពិន័យ៕

ចង់ជ្រាបច្បាស់សូមទស្សនាវីដេអូខាងក្រោម៖

ប្រភព៖ sportbible