នឹកទេ? ចង់ដឹងអត់ថា ពេលនេះតួឯកស្រីស្វារ៉ា ក្នុងរឿងបន្លាស្នេហ៍ក្នុងបេះដូង សុខទុក្ខយ៉ាងណាហើយ?

កម្សាន្ត៖ កាលពីឆ្នាំ២០១៦ រឿងភាគឥណ្ឌាមួយនេះទទួលបានការគាំទ្រជាខ្លាំងពីសំណាក់ទស្សនិកទាំងនៅក្នុងស្រុកខ្មែរនិងក្រៅប្រទេស។ រឿង បន្លាស្នេហ៍ក្នុងបេះដូង ដែលបានចាក់បញ្ចាំងក្នុងទូរទស្សន៍ប៉ុស្តិ៍ម៉ាយធីវី MYTV ពិតជាធ្វើឲ្យអ្នកទស្សនាជក់ចិត្តតាមដានសាច់រឿង ជាពិសេសគឺមហាជនស្រលាញ់ពេញចិត្តតួឯកស្រី ស្វារ៉ា ដែលសម្ដែងក្នុងរឿងនេះ។ 

តួឯកស្រីម្នាក់នេះ មានឈ្មោះពិតថា Helly Shah កើតនៅឆ្នាំ ១៩៩៦ សព្វថ្ងៃមានអាយុ ២៥ឆ្នាំ នាងមិនត្រឹមតែជាតារាសម្ដែងដែលមានទេពកោសល្យនោះទេ នាងក៏ជាតារាបង្ហាញម៉ូតមួយរូបដែរ ទោះបីជាមានកម្ពស់ត្រឹមតែ ១ម៉ែត្រ៥៨សង់ទីម៉ែត្រក្ដី ប៉ុន្ដែនាងមានឈ្មោះល្បីល្បាញខ្លាំងណាស់។ 

លើសពីនោះ Helly បានដើរតួជា នាងស្វារ៉ា ដែលបានឆក់យកដួងចិត្តប្រិយមិត្តឲ្យស្រលាញ់គាំទ្រ ដែលធ្វើឲ្យនាងផ្ទុះប្រជាប្រិយភាពចាប់ពីពេលនោះមក។ បើទោះបីជារឿងភាគមួយនេះ បានចប់ទៅជាច្រើនឆ្នាំហើយក្ដី ប៉ុន្ដែអ្នកគាំទ្រនៅតែមានសេចក្ដីនឹករលឹកចំពោះតួអង្គនៅក្នុងរឿង ជាពិសេសតួឯកស្រីស្វារ៉ានេះឯង។ 

បច្ចុប្បន្ន Helly Shah កំពុងតែមម៉ាញឹកនឹងការងារសិល្បៈរបស់ខ្លួននៅឯប្រទេសកំណើតឥណ្ឌា។ ប៉ុន្ដែទោះបីជានាងរវល់កិច្ចការយ៉ាងណាក៏ Helly មិនភ្លេចថតរូបបង្ហាញនៅក្នុងបណ្ដាញសង្គមរបស់នាងឲ្យហ្វេនបានតាមដានជាបន្ដបន្ទាប់។ 

សូមចុចលីងខាងក្រោមដើម្បីចូលទៅកាន់គណនី Facebook ផេករបស់តារាស្រី Helly Shah៖

https://www.facebook.com/iamhellyshah