អ៊ីស្រាអែល៖ សមុទ្រមួយកន្លែង មានព្រំព្រទល់ជាប់នឹងប្រទេសហ្សកដានី អ៊ីស្រាអែល និងប៉ាឡេស្ទីន ត្រូវបានគេហៅឈ្មោះឲ្យថា សមុទ្រស្លាប់ ដោយសារតែវាមិនមានសញ្ញាណាមួយបង្ហាញពីជីវិតត្រីរស់នៅ ឬរុក្ខជាតិដុះឡើយ ដែលគេគិតថា មូលហេតុអាចមកពីកំហាប់អំបិលខ្ពស់ និងប្រៃជាងមហាសមុទ្រជិត១០ដងឯណោះ។ ទន្ទឺមនឹងនេះដែរ មានដើមឈើមួយដើមប៉ុណ្ណោះ បានដុះនៅលើកោះតូចមួយ ដែលហុំព័ទ្ធទៅដោយអំបិលពាសពេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើទោះបីជាមើលទៅកាន់តែជិត ឃើញថាដើមឈើចាក់ឬសទៅក្នុងអំបិលពិតមែនក៏ដោយ ក៏វាមិនមែនមានន័យថា វាដុះលូតលាស់មកដោយឯងៗឡើយ ដែលតាមពិតទៅមានអ្នកស្រុកម្នាក់ បាននាំយកវាទៅដាំនៅទីនោះជាយូរណាស់មកហើយ ដើម្បីបង្កើតឲ្យចេញជាទស្សនីយភាពបែបសិល្បៈ។ ហើយគាត់បានដាក់ដីភក់នៅជុំវិញដើម ដើម្បីធានាថា វាទទួលបានជីវជាតិក្នុងការលូតលាស់ក្នុងបរិស្ថាន ដែលមិនសមស្រប។
យ៉ាងណាមិញ ដើមឈើមួយដើមនេះ បានធ្វើឲ្យកោះកាន់តែមានភាពទាក់ទាញមួយកម្រិតទៀត ដែលមានភ្ញៀវទេសចរជាច្រើនមានបំណងចង់ទៅលេងកម្សាន្ត និងចង់ឃើញផ្ទាល់នឹងភ្នែកផងដែរ៕
សូមទស្សនារូបភាពនិងវីដេអូខាងក្រោម៖
ប្រភព: Oddity / journeyera