កូរ៉េ៖ តារា Mukbang ដ៏ល្បីល្បាញរបស់កូរ៉េម្នាក់ Yang Soobin ទទួលបានការចាប់អារម្មណ៍ជាខ្លាំងពីមហាជនតាមរយៈការបង្ហាញសកម្មភាពញុំាអាហារឆ្ងាញ់ៗនៅក្នុងបណ្ដាញសង្គម។ តារាស្រីនេះ មានអ្នកតាមដានបណ្ដាញសង្គមនាងជាច្រើនរហូតដល់ជិត ៥លាននាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែទោះជាទទួលបានការស្រលាញ់ចូលចិត្តពីមហាជនយ៉ាងណាក្ដី Soobin នៅតែមិនមានភាពជឿជាក់លើរូបរាងរបស់នាងនោះទេ ព្រោះនាងមានមាឌធំទម្ងន់ដល់ទៅ ១៣៨គីឡូក្រាម។ នៅក្នុងជីវិតពិតរបស់នាង គឺនាងតែងតែទទួលបានការសើចចម្អក មើលងាយពីមនុស្សជុំវិញខ្លួនជានិច្ច។
ក្រោយមក Soobin បានសម្រេចចិត្តផ្លាស់ប្ដូរខ្លួនឯង ដោយព្យាយាមហាត់ប្រាណនិងញុំាអាហារដែលមានកាឡូរីទាប។ កន្លងអស់រយៈពេល៣ឆ្នាំ ការព្យាយាមរបស់នាងបានផ្ដល់ការតបស្នងមកវិញគឺ Soobin បានស្រករហូតដល់ទៅ ៥៥គីឡូក្រាម គឺនៅក្នុងឆ្នាំ ២០២១នេះ នាងមានទម្ងន់ត្រឹមតែ ៨៣គីឡូក្រាម តែប៉ុណ្ណោះ។
តារាស្រីវ័យ ២៦ឆ្នាំរូបនេះ បានធ្វើឲ្យមហាជនស្ងើចសរសើនៅការតាំងចិត្តនិងការខិតខំព្យាយាម ដើម្បីសម្រេចគោលដៅរបស់ខ្លួន។ ទោះបី Soobin កំពុងតែបន្ដការសម្រកទៀតក្ដី ក៏នាងមិនបោះបង់ការធ្វើវីដេអូបង្ហាញសកម្មភាពញុំាអាហារឆ្ងាញ់ៗរបស់នាងនោះដែរ នេះបញ្ជាក់ឲ្យឃើញថា ការព្យាយាមគង់បានសម្រេច និងធ្វើអ្វីមួយកុំបោះបង់ពាក់កណ្ដាលទី ត្រូវគិតថាហេតុអ្វីយើងចាប់ផ្ដើមធ្វើវា៕