Jungkook គឺជាសិល្បករដំបូងគេក្នុងលោក បង្ហាញមុខលើផ្ទាំង Solar Artwork មើលឃើញពីលើមេឃ!

កូរ៉េខាងត្បូង ៖ ជាការពិតណាស់ ខណៈពេលដែលថ្ងៃកំណើតរបស់ Jungkook សមាជិកកូនពៅប្រចាំក្រុម BTS កាន់តែខិតជិតចូលមកដល់ អ្នកគាំទ្រទូទាំងពិភពលោក ក៏បានសហការគ្នាធ្វើគម្រោងប្លែកៗ ធំៗ ជាច្រើនដើម្បីចូលរួមអបអរជាមួយ Idol របស់ពួកគេ។

ជាក់ស្ដែង សម្រាប់ Fanbase ដែលមានឈ្មោះថា Golden Ph Alliance បានប្រកាសធ្វើគម្រោងអបអរសាទរថ្ងៃកំណើត ជាមួយគម្រោងធំអស្ចារ្យ និងសែនស្រស់ស្អាតមួយ ដោយការបង្កើតជាផ្ទាំងសិល្បៈរូប Solar Artwork មានរូបរបស់ Jungkook ដែលអាចមើលឃើញពីលើមេឃ។

តាមរយៈការអបអរសាទរថ្ងៃកំណើតនេះ បានធ្វើឲ្យ តារាប្រុសរូបនេះក្លាយជាសិល្បករដំបូងគេបង្អស់ នៅលើពិភពលោកដែលមានមុខលើផ្ទាំងរូប Solar Artwork ដែលអាចមើលឃើញពីលើមេឃ មើលទៅពិតជាអស្ចារ្យខ្លាំងបែបនេះ៕

ប្រភព ៖ Allkpop