ហេតុតែចង់បានចង្កេះអង្ក្រង! នារីរូបនេះ បរិភោគអាហារតែមួយពេលក្នុងមួយថ្ងៃ និងពាក់ប្រដាប់រឹតរាងរាល់ថ្ងៃ

វៀតណាម៖ នារីម្នាក់ មកពីប្រទេសវៀតណាម តែសព្វថ្ងៃរស់នៅក្នុងសហរដ្ឋអាមេរិក បានបង្អត់អាហារខ្លួនឯង ដោយសារតែចង់បានរាងស្អាត រួមជាមួយនឹងចង្កេះយ៉ាងតូចដូចអង្ក្រង។

នាង An Ky អាយុ២៦ឆ្នាំ និងមានតួនាទីជាអ្នករាំក្រៅម៉ោងម្នាក់ ហើយកាលពីនាងមានអាយុ១៨ឆ្នាំ នាងមានទម្ងន់ជាង៥០គីឡូក្រាម និងទំហំចង្កេះជាង៦០សង់ទីម៉ែត្រ។ ឃើញដូច្នេះ នាងក៏សម្រេចចិត្តផ្លាស់ប្ដូរពីការបរិភោគអាហារមួយថ្ងៃបីពេល ទៅជា.មួយថ្ងៃមួយពេលវិញ និងមានពេលខ្លះ ពីរថ្ងៃបរិភោគតែម្ដងប៉ុណ្ណោះ ហើយតែងតែពាក់ប្រដាប់រឹតចង្កេះជាប់ជានិច្ច ដោយលើកលែងតែពេលយប់ប៉ុណ្ណោះ។

ទន្ទឹមនឹងនេះដែរ នាងមិនមានភាពភ័យព្រួយអំពីការខូចសុខភាពឡើយ ដោយសារតែនាង បរិភោគសុទ្ធសឹងជាអាហារមានវីតាមីន ដែលមានដូចជាបន្លែស្រស់ៗ ទ្រូងមាន់ និងផ្លែឈើជាដើម។ ហើយឥលូវនេះ នាងមានចង្កេះយ៉ាងតូចទំហំ៤៦សង់ទីម៉ែត្រ និងទម្ងន់៣៧គីឡូក្រាម ដែលបញ្ហាមានតែមួយគត់គឺ ពិបាករកទិញខោពាក់ឲ្យត្រូវនឹងចង្កេះរបស់នាង។

យ៉ាងណាមិញ ក្រោយពីរឿងរ៉ាវខាងលើ បានទទួលការចាប់អារម្មណ៍យ៉ាងខ្លាំងមក មានមហាជនមួយចំនួន បានបញ្ចេញមតិដោយលើកឡើងថា កាលដែលរឹតចង្កេះតឹងខ្លាំងពេក អាចជះឥទ្ធិពលអវិជ្ជមានដល់សរីរាង្គខាងក្នុងផងដែរ៕

សូមទស្សនារូបភាពនិងវីដេអូខាងក្រោម៖

ប្រភព: Oddity