អ្នកណាគេ? ក្រោយ Sancho ចាកចេញ អាវស្លាកលេខ៧ ត្រូវបានកីឡាករឆ្នើមរូបនេះពាក់ជំនួសវិញម្តង

អាល្លឺម៉ង់៖ តារាឆ្នើមក្រុមជម្រើសជាតិសហរដ្ឋអាមេរិក កីឡាករ Giovanni Reyna ​ទទួលបានអាវលេខ ៧ នៅក្លិប Borussia Dortmund បន្ទាប់ពី Jadon Sancho សម្រេចចិត្តផ្លាស់ទៅកាន់ Manchester United។

ជាការពិតណាស់ Sancho បានសម្រេចក្តីស្រមៃរបស់ខ្លួនក្នុងការផ្លាស់ទៅលេងនៅកីឡដ្ឋាន Old Trafford កាលពីសប្ហាហ៍មុនក្នុងតម្លៃខ្លួន ៧៣លានផោន (១០១លានដុល្លារ) និង បាននិយាយពាក្យលាទៅកាន់ Dortmund ក្រោយរួមរស់នៅទីនោះអស់រយៈពេលបួនឆ្នាំ។

យ៉ាងណាក្តី ក្រោយការចាកចេញរបស់ Sancho គឺ Dortmund ក៏បានស្វែងរកកីឡាករដើម្បីជំនួសតំណែងនៃការចាកចេញរបស់កីឡាករសញ្ជាតិអង់គ្លេសរូបនេះដែរ ដោយក្លិបបានទិញយកខ្សែប្រយុទ្ធស្លាបសញ្ជាតិហូល្លង់ កីឡាករ Donyell Malen ពី PSV ប៉ុន្តែ រូបគេនឹងពាក់អាវលេខ២១ទៅវិញទេនារដូវកាលក្រោយ ដោយអាវលេខ៧ នឹងត្រូវប្រគល់ជូន Reyna៕

ប្រភព៖ goal