ថៃ៖ អស់រយៈពេលជាច្រើនសប្តាហ៍ បន្ទាប់ពី ពិធីករដ៏ល្បីឈ្មោះ លោក Nawat បានឆ្លងជំងឺកូវីដ១៩ និងបានចេញមកធ្វើការផ្សាយផ្ទាល់នៅលើបណ្ដាញសង្គម រៀបរាប់ពីបញ្ហារបស់ខ្លួន រហូតដល់បានក្លាយជាប្រធានបទដ៏ក្តៅដែលបណ្ដាអ្នកគាំទ្រជាច្រើនកំពុងតែតាមដានជាបន្តបន្ទាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក កាលពីថ្មីៗនេះ លោក Nawat បានចេញមកធ្វើការផ្សាយផ្ទាល់សាជាថ្មីនៅលើបណ្ដាញសង្គម ដោយនៅពេលចុងបញ្ចប់ តារាប្រុសរូបនេះ ស្រាប់តែបានប្រកាសដំណឹងដ៏ភ្ញាក់ផ្អើល និងធ្វើឲ្យហ្វេនៗជាច្រើនហាក់មានការសោកស្ដាយយ៉ាងខ្លាំង ដោយបានប្រាប់ថា លោកបានលាឈប់ពីកម្មវិធីទូរទស្សន៍ទាំងអស់ជាផ្លូវការហើយ បន្ទាប់ពីបានស្នើសុំបញ្ចប់ការធ្វើជាពិធីករកម្មវិធីផ្ទះបាយមួយ ហើយខណៈពេលនេះ លោកក៏បានសុំលាឈប់ពីកម្មវិធីចំនួន ២ ទៀតគឺ កម្មវិធី Today Show និង Petchrama ។
យ៉ាងណាមិញ ចំពោះដំណឹងដ៏សោកស្ដាយមួយនេះ ហ្វេនៗជាច្រើននៅតែបន្តការលើកទឹកចិត្ត និងការគាំទ្រចំពោះរូបលោក បើទោះបីជាលោកបានបញ្ឈប់ការងារជាពិធីករនៅក្នុងកម្មវិធីជាច្រើន ក៏ដោយ៕
ប្រភព៖ Kapook
សូមទស្សនារូបភាពខាងក្រោម៖