ទីបំផុត! ខ្សែការពារឆ្នើមនៅ La Liga រូបនេះព្រមព្រៀងលក្ខខណ្ឌផ្ទាល់ខ្លួនជាមួយ Chelsea ហើយ

អេស្ប៉ាញ៖ ខ្សែការពារ Jules Kounde បានព្រមព្រៀងលក្ខខណ្ឌផ្ទាល់ខ្លួនជាមួយក្លិបតោខៀវ Chelsea ហើយបន្ទាប់ពី ភាគីរបស់លោកគ្រូបង្វឹក Thomas Tuchel បានដាក់សំណើទិញយកគេពីក្លិប Sevilla ។

កីឡាករសញ្ជាតិបារាំងរូបនេះត្រូវបានក្លិបនៅ Premier League ជាច្រើនចាប់អារម្មណ៍ដូចជា Manchester United និង Tottenham Hotspur ប៉ុន្តែឥលូវនេះ Kounde សម្រេចចិត្តថានឹងផ្ទេរមកក្លិបម្ចាស់ពាន UCL រដូវកាលមុននេះហើយ នេះបើយោងតាមការរាយការណ៍ពី អ្នកកាសែត Fabrizio Romano ដែលជាប្រភពគួរឲ្យទុកចិត្តបាន។

Jules Kounde នឹងចុះកុងត្រា៥ឆ្នាំជាមួយក្លិបគឺមានសុពុលភាពរហូតដល់ឆ្នាំ២០២៦ ខណៈដែល Chelsea នៅត្រូវពិភាក្សាជាមួយក្លិបSevilla មួយតង់ទៀតដើម្បីឲ្យការផ្ទេរនេះកើតឡើងជាផ្លូវការ។

គួរបញ្ជាក់ផងដែរថា Kounde ផ្ទេរពីក្លិប Bordeux មក Sevilla កាលពីឆ្នាំ២០១៩ ដោយគេនៅសល់កុងត្រាដល់ទៅ៣ឆ្នាំទៀតជាមួយក្លិប។

លោកគ្រូបង្វឹក Thomas Tuchel ចង់យកគេមកជំនួសខ្សែការពារ Thiago Silva ដែលមានអាយុ៣៧ឆ្នាំទៅហើយខណៈដែល ខ្សែការពារ Kurt Zouma ត្រូវក្លិបទាំងពីរលើកយកមកពិភាក្សាក្នុងសំណើទិញយក Kounde ផងដែរ៕

ប្រភព៖ thesun