ទោះទៅដល់ទឹកដីអង់គ្លេស តែ Varane នឹងត្រូវពន្យារពេលពិនិត្យសុខភាពសិន

អឺរ៉ុប៖ ក្លិបបិសាចក្រហម Manchester United ត្រូវគេរាយការណ៍ថា មិនទាន់បានកំណត់ថ្ងៃពិនិត្យសុខភាពសម្រាប់ខ្សែការពារ Raphael Varane នៅឡើយទេ ដោយសារតែរូបគេនឹងត្រូវធ្វើច​ត្តា​ឡី​ស័កជាមុនសិន។

ជាការពិតណាស់ ក្លឹប Manchester United ទើបតែប្រកាសអំពីការបញ្ចប់កិច្ចព្រមព្រៀងនាំយកខ្សែការពារឆ្នើម  Varane ពីក្លិប Real Madrid ជាផ្លូវការកាលពីថ្ងៃច័ន្ទ ដោយបានចុះកុងត្រារយៈពេល៤ឆ្នាំ ក្នុងតម្លៃខ្លួន៣៥លានផោន បូករួមប្រាក់រង្វាន់ផ្សេងៗទៀត។

គួរបញ្ជាក់ដែរថា កាលពីពេលថ្មីៗនេះ Varane បានត្រលប់ទៅហ្វឹកហាត់ជាមួយនឹងក្លិប Real Madrid ដូច្នេះមានន័យថារូបគេប្រាកដជាបានធ្វើតេស្តអវិជ្ជមានជំងឺកូវីដ-១៩ រួចហើយផងដែរ៕

ប្រភព៖ sportsmole