រាជធានីភ្នំពេញ៖ កម្ពុជាលក់សុនកហិតរកមីនចំនួន ៦ក្បាល ដល់ប្រទេសកេនយ៉ា និងប្រទសស៊ូដង់ខាងត្បូង ដើម្បីចូលរួមដោះមីននៅក្នុងប្រទេសដែលស្ថិតនៅក្នុងទ្វីបអាហ្វ្រិកទាំងពីរនេះ។ នេះបើតាមការបញ្ជាក់របស់លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីន ហៅកាត់ថា CMAC។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើតាមរយៈទំព័រហ្វេសប៊ុកផ្លូវការរបស់ លោក ហេង រតនា អគ្គនាយកមជ្ឈមណ្ឌលសកម្មភាពកំចាត់មីន បានបញ្ជាក់ដូច្នេះថា៖
ស៊ូៗនៅពេលរស់នៅនិងបំពេញការងារនៅបរទេស! ពួកគេទាំង៦ក្បាលត្រូវចេញដំណេីរ ទៅក្រៅប្រទេសហេីយ! ២ក្បាលទៅប្រទេសកេនយ៉ា និង៤ក្បាលត្រូវទៅប្រទេសស៊ូដង់ខាងត្បូង។ អ្វីដែលជាមោទនភាពនៃក្រុមជំនាញសុនខសុីម៉ាក់នៅទីនេះ គឺអង្គភាពសុីម៉ាក់បានកែប្រែស្ថានភាពពីទិញឬសុំសុនខពីបរទេសមកប្រតិបតិការនៅកម្ពុជា ក្លាយជាអ្នកផ្គត់ផ្គង់សុនខទៅអន្តរជាតិផងនិងគាំទ្រកិច្ចប្រតិបត្តិការក្នុងព្រះរាជាណាចក្រនេះផង! ។ នេះជា សមិទ្ធិផលនៃការពង្រឹងភាពជាម្ចាស់ទាំងចំណេះដឹងនិងចំណេះធ្វេី ពង្រឹងសមត្ថភាពធនធានមនុស្ស នីតិវិធី និងសម្ភារ:បច្ចេកទេស! ខែ្មរអាចធ្វេីបាន! ។
បើតាម លោក ហេង រតនា ថ្លែងប្រាប់ប្រព័ន្ធផ្សព្វផ្សាយនៅក្នុងស្រុកមួយ បានឱ្យដឹងថា សុនខចំនួន ៦ក្បាល គឺត្រូវបញ្ជូនទៅប្រទេសកេនយ៉ា២ ក្បាល និងប្រទេសស៊ូដងចំនួន ៤ក្បាល នៅថ្ងៃទី២៨ ខែកក្កដា ឆ្នាំ២០២១នេះ ក្រោមការបញ្ជាទិញពីអង្គការ APOPO។ ក្នុងនោះ សុនខហិតមីននេះ មានតម្លៃពី៣៥០០ ដល់ទៅ២០០០០ដុល្លារអាមេរិក ក្នុងមួយក្បាល។ តែកន្លងមក ប្រទេសកម្ពុជាលក់បានខ្ពស់បំផុតត្រឹមតម្លៃតែ១ម៉ឺនដុល្លារប៉ុណ្ណោះ៕
Bong I.T