កម្សាន្ត៖ ដូចដែលបានដឹងហើយថា កុមារីវ័យ ១៣ ឆ្នាំ ល្អហួស ដែលត្រូវបានគេស្គាល់ថាជាក្មួយស្រីតារាស្រីសម្ដែងស្រី ដេនីក្វាន់ កំពុងតែមានឈ្មោះបោះសម្លេង និងទទួលបានការចាប់អារម្មណ៍យ៉ាងខ្លាំង ទៅលើសមត្ថភាពទាំងសម្ដែង និងច្រៀង ជាពិសេស រូបនាងកាន់តែមានសម្រស់ស្រស់ស្អាតខ្លាំងឡើង ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក កាលពីថ្មីៗនេះ ភាពល្បីល្បាញរបស់កុមារីរូបនេះ បានធ្វើឲ្យព័ត៌មានក្នុងស្រុកថៃមួយ បានចុះផ្សាយពី ល្អហួស ទៅលើមុខមាត់របស់នាងថា មានមុខស្រដៀងនឹងតារាស្រីថៃ Yaya យ៉ាងខ្លាំង រហូតដល់នាងត្រូវបានគេហៅថា យ៉ាយ៉ាតូច ថែមទៀតផង។
មិនត្រឹមតែប៉ុណ្ណោះ នៅក្នុងនោះដែរ យោងតាមសារព័ត៌មានមួយនេះ ក៏បានបន្តសរសើរ ល្អហួស ដែលបានធំឡើងកាន់តែមានភាពស្រស់ស្អាត ព្រមទាំងបញ្ចេញពីទេពកោសល្យក្នុងការច្រៀង និងរាំយ៉ាងល្អ ដែលធ្វើឲ្យក្លាយជាក្មេងស្រីមួយរូប ធ្វើឲ្យមនុស្សជាច្រើនធ្លាក់ក្នុងអន្លង់ស្នេហ៍ រួមទាំងមានការគាំទ្រយ៉ាងខ្លាំង ពីសំណាក់ហ្វេនៗខ្មែរ និង ថៃ ផងដែរ ៕
ប្រភព៖ Kapook
សូមទស្សនារូបភាពខាងក្រោម៖