ការបដិសេធសំណើរអ្នកដទៃ វាមិនមែនសុទ្ធតែអាក្រក់ទេ តែវាបង្ហាញថាអ្នកជាមនុស្សប្រភេទនេះ

យល់ដឹង៖ មនុស្សយើងម្នាក់ៗ មិនមែនចេះតែអាចយល់ស្រប នឹងធ្វើតាមសំណើររបស់អ្នកដទៃ បានគ្រប់ពេលនោះទេ វាក៏មានពេលខ្លះ ដែលធ្វើឱ្យយើងបដិសេធ នឹងសំណើររបស់អ្នកដទៃដែរ។ ម្យ៉ាងវិញ ការបដិសេធនឹងសំណើរអ្នកដទៃ វាមិនមែនជារឿងដែលអាក្រក់ ដែលអាចធ្វើឱ្យអ្នក មានអារម្មណ៍ថាខ្លួនឯង ជាមនុស្សអាត្មានិយមនោះទេ។

ផ្ទុយទៅវិញ ការបដិសេធនឹងសំណើររបស់អ្នកដទៃ វាបានបង្ហាញថា អ្នកជាមនុស្សដែលស្ថិតនៅក្នុងប្រភេទមនុស្ស ដែលបានបង្ហាញនៅខាងក្រោមនេះ ព្រោះមនុស្សប្រភេទនេះ តែងតែជាមនុស្ស ដែលចេះស្រលាញ់ខ្លួនឯង ហើយក៏មិនធ្វើឱ្យខ្លួនឯង មានអារម្មណ៍មិនល្អ ដោយសារតែការគិតរបស់អ្នកដទៃដែរ។

ការបដិសេធសំណើរអ្នកដទៃ វាមិនមែនសុទ្ធតែអាក្រក់ទេ តែវាបង្ហាញថាអ្នកជាមនុស្សប្រភេទនេះ៖

១. ជាមនុស្សមានដែនកំណត់

មនុស្សយើងម្នាក់ៗ មិនមែនចេះតែអាចស្របទៅតាមអ្នកដទៃ បានគ្រប់រឿងនោះទេ ហើយចំពោះការចេះបដិសេធ សំណើរអ្នកដទៃ វាមិនមែនមានន័យថាអ្នក ជាមនុស្សដែលអាត្មានិយមទេ តែវាបង្ហាញថាអ្នក ជាមនុស្សដែលមានដែនកំណត់ គឺមិនមែនចេះតែយល់ស្រប បានរហូតនោះទេ។ ហេតុនេះហើយ មនុស្សមានដែនកំណត់ច្បាស់លាស់ ក៏ជាប្រភេទមនុស្សដែលអ្នកដទៃ មានការខ្លាចរអា ក្នុងការលេចសើចជាមួយ ផងដែរ។

២. ជាមនុស្សមានភាពម៉ត់ចត់និងច្បាស់លាស់

ការចេះបដិសេធចំពោះសំណើរអ្នកដទៃ វាមិនមែនសុទ្ធតែជារឿងអាក្រក់ សម្រាប់អ្នកទាំងអស់គ្នាទេ តែវាក៏បានបង្ហាញថាអ្នក ជាមនុស្សដែលមានភាពច្បាស់លាស់ និងមានភាពម៉ត់ចត់ ដែលមិនមែនចេះតែឱ្យអ្នក យល់ស្របទៅតាមសំណើររបស់អ្នកដទៃ បានគ្រប់ពេល ទាំងដែលនៅក្នុងចិត្តខ្លួនឯង មិនយល់ស្រប និងមិនចង់ធ្វើតាមនោះទេ។

៣. ជាមនុស្សដែលក្លាហាន មុឺងម៉ាត់

មនុស្សមួយចំនួន គឺមិនហ៊ានបដិសេធនឹងសំណើររបស់អ្នកដទៃឡើយ ព្រោះពួកគេមានការក្រែងចិត្តអ្នកដទៃ ហើយក៏សុទ្ធចិត្តបង្ខំខ្លួនឯង ឱ្យយល់ស្របតាមសំណើររបស់ដទៃ ទាំងដែលក្នុងចិត្តមិនយល់ស្រប ប៉ុន្តែចំពោះមនុស្សដែលចេះបដិសេធ នឹងសំណើរអ្នកដទៃនោះ វាបានបង្ហាញឱ្យឃើញថា ពួកគេជាមនុស្សដែលមានភាពក្លាហាន និងមុឹងម៉ាត់ ទើបធ្វើឱ្យពួកគេបដិសេធ ទៅតាមអារម្មណ៍ និងការគិតរបស់ពួកគេ។

៤. ជាមនុស្សដែលមានទំនួលខុសត្រូវខ្ពស់

មនុស្សដែលមានទំនួលខុសត្រូវខ្ពស់ គឺតែងតែចេះបដិសេធ ជាមួយនឹងសំណើររបស់អ្នកដទៃ​ នៅពេលដែលពួកគេ មិនមានការយល់ស្របតាម ម្យ៉ាងវិញទៀត ពួកគេក៏មិនចង់ឱ្យខ្លួនពួកគេ ក្លាយទៅជាមនុស្ស ដែលគ្មានទំនួលខុសត្រូវ ពេលដែលធ្វើតាមសំណើរ ដែលអ្នកដទៃបានស្នើ ទាំងខ្លួនមិនចង់ធ្វើនោះទេ ព្រោះសំណើរដែលពួកគេមិនចង់ធ្វើ គឺវាតែងតែធ្វើឱ្យពួកគេ ធ្វើមិនបានល្អ ហេតុនេះហើយ ការចេះតែយល់ស្រប តាមសំណើររបស់អ្នកដទៃ វាអាចនឹងធ្វើឱ្យពួកគេ បាត់បង់ការមានទំនួលខុសត្រូវរបស់ពួកគេ អញ្ចឹងហើយ ទើបពួកគេធ្វើការបដិសេធនូវអ្វីដែលពួកគេ មិនចង់ធ្វើ៕

ប្រភព៖ medium