គួរតែដឹង! កម្មវិធី Instagram បានកំណត់ទម្រង់ពិសេស សម្រាប់អ្នកប្រើប្រាស់មិនទាន់គ្រប់អាយុ

បរទេស៖ កម្មវិធី Instagram បានកំណត់គណនីថ្មីអាយុក្រោម១៦ឆ្នាំ ជាលក្ខណៈឯកជន ក្នុងទម្រង់លំនាំដើម (default) ដូច្នេះមានតែ followers ដែលបានយល់ព្រមប៉ុណ្ណោះ អាចមើលឃើញការបង្ហោះ និង Like ឬ Comment។ ការសាកល្បងនេះបង្ហាញថា មានតែមួយប៉ុណ្ណោះក្នុងចំណោមមនុស្សប្រាំនាក់ បានដូរទៅជាគណនីសាធារណៈវិញ នៅពេលដែលទម្រង់ដើមគឺជាលក្ខណៈឯកជន។

អ្នកកាន់គណនីដែលមានស្រាប់នឹងត្រូវបានផ្ញើសារជូនដំណឹង បង្ហាញពីអត្ថប្រយោជន៍នៃការប្តូរទៅជាលក្ខណៈឯកជន។ ហ្វេសប៊ុកដែលជាក្រុមហ៊ុនមេបាននិយាយថា ជាការពិត ពេលអ្នកប្រើប្រាស់ស្ថិតនៅលើប្រព័ន្ធអនឡាញ គេមិនអាចរកវិធីទប់ស្កាត់ពីការក្លែងអាយុរបស់ពួកគាត់បានទេ ហើយក្រុមហ៊ុននេះចង់រចនាបទពិសោធន៍ប្រើប្រាស់ជាពិសេសសម្រាប់ពួកគាត់ ក្រោមការគ្រប់គ្រងដោយឪពុកម្ដាយនិងអាណាព្យាបាល៕

ប្រភព: BBC