ដាច់ផ្ងារ! Heechul សារភាពចំៗថាបែកពីសង្សារ ដោយសារតែវក់នឹងហ្គេមពេក?

កូរ៉េខាងត្បូង ៖ នៅក្នុងភាគមួយរបស់កម្មវិធី Fallen for Korea – International Couple របស់ស្ថានីយ៍ទូរទស្សន៍ MBN ដែល​នឹងចាក់​ផ្សាយនៅថ្ងៃទី ២៨ ខែ កក្កដា នេះ ពិធីករ Kim Won Hee បានលើកឡើងពី​បទពិសោធន៍ និងដំបូន្មានជា​ច្រើន​ស្ដីពីរឿង​រៀបការប្រាប់ដល់ Heechul សមាជិកក្រុម Super Junior។

ជាក់ស្ដែង នៅក្នុងកម្មវិធីខាងលើបាន​រៀបរាប់ និងបង្ហាញពីជីវិត​រស់នៅ​ប្រចាំ​ថ្ងៃរបស់គូស្នេហ៍បរទេស​ ១គូ ដែលត្រូវ​បាន​គេយល់ឃើញថា ជាគូស្វាមីភរិយាអន្តរជាតិដែលល្បីថាប៉ិនខាងខ្វែងគំនិតគ្នា ដោយភាគីខាងប្រពន្ធសម្ដែង​អារម្មណ៍មិនសប្បាយចិត្ត ចំពោះ​ស្វាមីជក់នឹងការលេងហ្គេម។

បន្ទាប់ពីស្ដាប់បញ្ហាខាងលើនេះមក ប្រុសស្អាត​ Heechul ក៏បាន​សារភាពចំៗ ចំពោះដំណើរដើមទង ដែលលោកសម្រេចចិត្តផ្ដាច់ទំនាក់ទំនង​ស្នេហាជាមួយអតីតមិត្តស្រីរបស់ខ្លួន គឺស្រីស្អាត Momo សមាជិកក្រុម TWICE មូលហេតុ គឺដោយ​សារតែ រឿងលោកជក់នឹងការលេងហ្គេម​ខ្លាំង​ពេកនេះដែរ៕

ប្រភព ៖ Allkpop