ទុក្ខជាន់ទុក្ខ! Kris Wu បង្ខំចិត្តលក់វីឡាប្រណីត ដើម្បីដោះបំណុលលុយ ១០០លានដុល្លារ

ចិន៖ បន្ទាប់ពីរឿងអាស្រូវដ៏គួរឱ្យភ្ញាក់ផ្អើលរបស់ Kris Wu អស់រយៈពេលជាងមួយសប្តាហ៍ បានកើតលើឡើងតារាចម្រៀងប្រុសរូបនេះ បានបាត់បង់អ្វីៗ ទាំងអស់នៅក្នុងដៃ ចាប់តាំងពីអាជីពរបស់លោក រហូតដល់កិច្ចសន្យាផ្សាយពាណិជ្ជកម្មថ្លៃៗ​ ថែមទាំង នឹងប្រឈមមុខសំណងដែលរំពឹងទុករហូតដល់ ១០០ លានដុល្លារអាមេរិកឯណោះ។

មិនត្រឹមតែប៉ុណ្ណោះ មានហ្វេនៗជាច្រើន កំពុងព្រួយបារម្ភ បើសិនជារឿងនេះ វាជាការពិត ដូចការចោទប្រកាន់ពីក្មេងស្រីរងគ្រោះនោះ អតីតសមាជិកក្រុម EXO អាចនឹងមានហានិភ័យនៃការជាប់ពន្ធនាគារ។ តែយ៉ាង រហូតដល់ឥឡូវនេះមនុស្សគ្រប់គ្នាចាប់អារម្មណ៍ថា តើ Kris Wu នៅកន្លែងណាដែរ តើលោកសង្ងំលាក់ពួងដល់ពេលណា?

ជាក់ស្តែងកាលពីថ្មីៗនេះ មានប្រភពមួយបានរាយការណ៍មកថា តារាប្រុសវ័យ ៣០ឆ្នាំរូបនេះ បានកំពុងបង្ខំចិត្ត លក់ផ្ទះវីឡាទំនើបព្រោះត្រូវបង់ប្រាក់ ១០០ លានដុល្លារ។ បន្ទាប់ពីមានរឿងអាស្រូវគួរឱ្យភ្ញាក់ផ្អើលមួយនេះ​ ថ្វីត្បិតដូច្នេះមែន តែរហូតមកដល់ពេលនេះ ព័ត៌មានទាំងអស់ដែលទាក់ទងនឹងតារាប្រុសរូបនេះ គឺមិនទាន់ដឹងការពិតនោះទេ ហើយរូបលោកក៏មិនទាន់បានបង្ហាញខ្លួន ធ្វើសេចក្តីថ្លែងការណ៍ណាមួយផងដែរ៕

ប្រភព៖ QQ

សូមទស្សនារូបភាពខាងក្រោម៖