អ៊ីតាលី៖ លោកគ្រូបង្វឹក Max Allegri បានមកដឹកនាំក្លិបសេះបង្កង់ Juventus ជាលើកទី២បន្ទាប់ពីចាកចេញនៅឆ្នាំ២០១៩ បន្ទាប់ពីលោកគ្រូបង្វឹក Maurizio Sarri និង Andrea Pirlo សុទ្ធតែបរាជ័យក្នុងការដឹកនាំ Juventus ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ប៉ុន្តែលោកគ្រូបានបង្ហើបថា មុនមកដឹកនាំ Juventus ជាលើកទី២នេះគឺលោកបានបដិសេធសំណើមិនទៅដឹកនាំក្លិបអធិរាជស Real Madrid រួចមកហើយដោយសារតែលោកគ្រូនៅមានឆន្ទៈចង់ដឹកនាំឲ្យ Juventus ក្លាយជាក្លិបឈរនៅលេខរៀងទី១នៅ Serie A ។
Real Madrid បានទាក់ទងទៅ Allegri មុនគេបន្ទាប់ពីលោកគ្រូបង្វឹក Zinedine Zidane ចុះចេញពីតំណែង ដោយលោក Allegri បានបកស្រាយក្នុងសន្និសីទកាសែតថា៖
ខ្ញុំត្រូវតែអរគុណដល់លោកប្រធានក្លិប Real Madrid ដែលផ្ដល់ឱកាសដល់ខ្ញុំ ប៉ុន្តែខ្ញុំជ្រើសរើស Juventus ព្រោះតែខ្ញុំស្រឡាញ់ក្លិបនេះ ហើយខ្ញុំជឿជាក់លើកីឡាករក្មេងៗរបស់ក្លិប។ វាពិតជារឿងដ៏គួរឲ្យរីករាយដែលបានដឹកនាំក្លិបមួយនេះ ប៉ុន្តែពួកយើងត្រូវតែយកឈ្នះការប្រកួត នោះជារឿងដ៏សំខាន់។ ខ្ញុំគួរតែអរគុណដល់ក្លិបផ្សេងៗទៀតដែលដាក់សំណើមកកាន់ខ្ញុំប៉ុន្តែកាលណោះខ្ញុំក្រោកតាំងពីព្រឹក ទាក់ទងទៅ Andrea Agnelli ដើម្បីសុំជួបជាមួយគេ។ ខ្ញុំពិតជាអរគុណដែលគេឲ្យខ្ញុំត្រឡប់មកដឹកនាំទីនេះវិញ។ អ្វីដែលពួកយើងធ្វើនឹងចារទុកជាប្រវត្តិសាស្ត្រ។ ពីរឆ្នាំមុន ពួកយើងសម្រេចចិត្តចែកផ្លូវគ្នា ឥលូវនេះពួកយើងកំពុងខិតខំប្រឹងប្រែងសម្រេចគោលដៅ។
គួរបញ្ជាក់ផងដែរថា កាលពីឆ្នាំ២០១៨ Real Madrid ក៏ធ្លាប់ដាក់សំណើសុំ Max Allegri មកដឹកនាំដែរតែលោកបានបដិសេធម្ដងរួចមកហើយ៕
ប្រភព៖ goal
Bong I.T