ស្រីលង្កា៖ ថ្មីៗនេះ បុរសម្នាក់ឈ្មោះថា Gamage បានប្រទះឃើញដោយចៃដន្យ នៃត្បូងកណ្ដៀងដ៏ធំបំផុតនៅលើពិភពលោក ខណៈពេលកំពុងជីកអណ្ដូងទឹកនៅទីធ្លាសួនច្បារផ្ទះរបស់គាត់ ក្នុងទីក្រុង Ratnapura ប្រទេសស្រីលង្កា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ត្បូងកណ្ដៀងដ៏ធំនេះ មានទម្ងន់ជាង៥១០គីឡូក្រាម (២.៥លានការ៉ាត់) និងត្រូវបានគេដាក់ឈ្មោះឲ្យថា “Serendipity Sapphire”។ ហើយក្រោយពីប្រទះឃើញដូច្នេះ បុរសខាងលើបានផ្ដល់ដំណឹងទៅកាន់អាជ្ញាធរ ប៉ុន្ដែវានឹងត្រូវចំណាយពេលជាងមួយឆ្នាំឯណោះ ដើម្បីសម្អាតថ្មភក់ និងភាពមិនបរិសុទ្ធផ្សេងទៀត មុនពេលពួកគេអាចវិភាគបន្ថែមផងដែរ។ ក្នុងអំឡុងពេលនៃដំណើរការសម្អាត មានថ្មមួយចំនួនបានធ្លាក់ចេញពីចង្កោម ដែលគេអាចដឹងបានថា វាជាត្បូងកណ្ដៀងដ៏មានគុណភាពខ្ពស់មែនទែន។
យ៉ាងណាមិញ អ្នកជំនាញបានធ្វើការប៉ាន់ស្មានដែរថា ត្បូងកណ្ដៀងនេះ នឹងអាចលក់បានក្នុងតម្លៃដល់ទៅជិត១០០លានដុល្លារអាមេរិកឯណោះ៕
សូមទស្សនារូបភាពខាងក្រោម៖
ប្រភព: BBC