អេស្ប៉ាញ៖ ការចរចារបស់ Manchester United ក្នុងការទិញយកខ្សែការពារ Raphael Varane ពីក្លិប Real Madrid មានភាពរលូនល្អណាស់ហើយគេរំពឹងទុកថាឆាប់ៗនេះ Varane នឹងផ្ទេរមកលេងនៅទឹកដី Old Trafford ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMan United គ្រោងនឹងចាយលុយតែ៣៤លានផោន(ស្មើនឹងប្រមាណ ៤៦.៨លានដុល្លារ) និងចុះកុងត្រា៤ឆ្នាំ សម្រាប់កីឡាករវ័យ២៨ឆ្នាំរូបនេះដើម្បីយកគេមកចាប់ដៃគូជាមួយប្រធានក្រុម Harry Maguire ផងដែរ។
ដោយឡែកចំពោះលេខអាវវិញគឺ កាលនៅ Real Madrid Varane ធ្លាប់ពាក់អាវលេខ ១៩,២ និងលេខ ៥ ប៉ុន្តែនៅ ក្រុមជម្រើសជាតិបារាំងគឺគេពាក់អាវលេខ៤ ដូច្នេះបើសិនផ្ទេរមក Man UTD មែនគេអាចនឹងមានឱកាសបានពាក់អាវលេខ៤ដែលជាលេខសំណព្វរបស់គេ។
យ៉ាងណាមិញ ខ្សែការពារ Phil Jones ដែលបានស្នាក់នៅក្លិប Manchester United អស់រយៈពេលជិត១០ឆ្នាំជាម្ចាស់អាវលេខ៤នេះ តែយោងតាមប្រភពមួយ Man UTD គ្រោងនឹងដោះលែងឲ្យ Jones ចាកចេញដូច្នេះ Varane អាចនឹងមានឱកាសបានធ្វើជាម្ចាស់របស់លេខអាវនេះ៕
ប្រភព៖ mirror