អង់គ្លេស៖ ពិតណាស់ ក្រុមបិសាចក្រហម Manchester United បាននាំចូលកីឡាករ២នាក់ រួចរាល់ហើយនារដូវក្ដៅនេះ រួមមាន Jadon Sancho តម្លៃ ៧២.៩លានផោន (ឬប្រមាណ ១០១លានដុល្លារអាមេរិក) និង Raphael Varane ក្នុងតម្លៃ ៣៤.២លានផោន (ឬប្រមាណ ៤៧លានដុល្លារអាមេរិក)។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះជាយ៉ាងណា Man UTD គ្រោងនឹងលក់ចេញ ឬ ដាក់ឲ្យក្លិបផ្សេងខ្ចីជើងកីឡាករចំនួន ៧នាក់ ដើម្បីប្រមូលលុយទិញយកកីឡាករថ្មីចំនួន ២នាក់បន្ថែមទៀត ដែលជាកីឡាករលេងតំណែងខ្សែការពារ និងខ្សែបម្រើ។
ក្នុងចំណោមកីឡាករដែលត្រៀមលក់ចេញរួមមាន Paul Pogba ប្រសិនបើគេបដិសេធមិនបន្ដកិច្ចសន្យាថ្មី ដោយកិច្ចសន្យាបច្ចុប្បន្នរបស់កីឡាករសញ្ជាតិបារាំងរូបនេះនឹងផុតកំណត់នៅឆ្នាំក្រោយ ហើយក្លិបទំនងលក់គេឲ្យទៅ PSG ក្នុងតម្លៃប្រមាណ ៥០លានផោននារដូវក្ដៅនេះ ព្រោះមិនចង់ទុករហូតដល់លែងមានតម្លៃខ្លួនឡើយ។
ស្រដៀងគ្នានេះ កិច្ចសន្យារបស់ Jesse Lingard ក៏នឹងផុតកំណត់នៅឆ្នាំក្រោយដែរ ហើយទោះបីលោក Solskjaer ចាប់អារម្មណ៍សមត្ថភាពរបស់គេអំឡុងពេលក្លិបផ្សេងខ្ចីជើងរដូវកាលមុនក៏ដោយ ក៏ Man UTD នឹងពិចារណាលក់ បើមានក្លិបណាហ៊ានថ្លៃប្រហែល ៣០លានផោន។
ដោយឡែក កីឡាករ ៥នាក់ទៀត ដែលក្លិបគ្រោងនឹងលក់ ឬ ដាក់ឲ្យខ្ចីជើង មានដូចជា Axel Tuanzebe, Brandon Williams, Diogo Dalot, Andreas Pereira និង Facundo Pellestri ។
គួរបញ្ជាក់ដែរថា កីឡាករ២រូបដែលលោក Solskjaer ចង់នាំចូលនោះរួមមាន ខ្សែការពារ Kieran Trippier របស់ក្លិប Atletico Madrid និងខ្សែបម្រើ Declan Rice របស់ក្លិប West Ham ៕
ប្រភព៖ metro