កូរ៉េខាងត្បូង ៖ នៅថ្ងៃទី ២១ ខែកក្កដា ប្រព័ន្ធផ្សព្វផ្សាយរបស់ប្រទេសកូរ៉េខាងត្បួង Maeil Economic Daily បានចេញផ្សាយអត្ថបទមួយ ដែលអះអាងថា សម្លៀកបំពាក់ខើចៗកំពុងក្លាយជាប្រភព នៃភាពចម្រូងចម្រាសមួយផ្សេងទៀត នៅក្នុងប្រទេសកូរ៉េខាងត្បូង ហើយរូបស្ត្រីដែលពាក់អាវខ្លីជាដើមចមនៃបញ្ហាតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ មូលហេតុចំបង ដែលវាត្រូវបានគេចាត់ទុកថា មានភាពចម្រូងចម្រាសគឺថា ប្រជាជនកូរ៉េខាងត្បូងគិតថា វាគួរឱ្យខ្មាស់ណាស់ នៅពេលដែលឃើញនរណាម្នាក់ ពាក់អាវខើចៗខ្លីនៅទីសាធារណៈ។ ក្រោយមក មន្រ្តីឧស្សាហកម្មអះអាងថា វាគឺជាស្ទាយ និងម៉ូតសម្រាប់យុវជនក្មេងៗដែលកើតនៅឆ្នាំ ១៩៩៧ និងឆ្នាំ ២០១៦ ។
ទន្ទឹមនឹងនេះ Idols ជាច្រើនដូចជាសមាជិក BLACKPINK គឺ Jennie និង Rosé ត្រូវបានគេលើកឡើងថា ជា Idols ដែលចូលចិត្តពាក់អាវបែបនេះបំផុត ហើយកំពុងតែនាំមុខគេនៅលើប្រព័ន្ធផ្សព្វផ្សាយសង្គម តែវាក៏នៅតែមានតារាស្រីជាច្រើនផ្សេងទៀតដែលចូលចិត្តពាក់អាវប្រភេទនេះ។
ទោះជាយ៉ាងណាក៏ដោយ ប្រជាជនកូរ៉េខាងត្បូងជាច្រើននាក់ បានប្រឆាំងនឹងនិន្នាការនេះដោយអះអាងថា វាគួរឱ្យខ្មាស់អៀនណាស់ មនុស្សជាច្រើនយល់ស្របថា ពួកគេមិនដឹងថាត្រូវរកមើលកន្លែងណាទេ នៅពេលនរណាម្នាក់ពាក់អាវប្រភេទនេះ ហើយលាតត្រដាងក្បាលពោះរបស់ពួកគេ នៅទីសាធារណៈ។
ក្រោយមក មនុស្សជាច្រើនបានស្នើសុំឱ្យ មនុស្សគ្រប់គ្នារួមទាំង Idols ស្រីស្លៀកពាក់ឱ្យសមស្របតាមស្ថានភាព ហើយថាទោះបីជាអាវប្រភេទនេះមានភាពស្រស់ស្អាតក៏ដោយ ក៏ពួកគេមិនគួរពាក់វានៅកន្លែងធ្វើការ ឬជាមួយមនុស្សចាស់ដែរ៕
តើអ្នកគិតយ៉ាងណាចំពោះរឿងនេះ?
ប្រភព : Kpopstarz